هادي الباجوري يكشف حقيقة وجود جزء ثاني من مسلسل سفاح الجيزة

كشف المخرج هادي الباجوري، عن إمكانية إنتاج جزء ثاني من مسلسل سفاح الجيزة، بطولة الفنان أحمد فهمي، والذي عُرض خلال الفترة الماضية عبر منصة شاهد الإلكترونية.

تحيا مصر يرصد تصريحات هادي الباجوري. 

تصريحات هادي الباجوري

وقال هادي الباجوري خلال لقائه في برنامج تفاعلكم: إحنا لسه مش محددين في جزء ثاني أو ثالث ودي حاجة ليها علاقة بشركة الإنتاج أكتر مني، لأن ممكن يكون في جزء ثاني ومكنش أنا المخرج بتاعه مش لازم كل الأجزاء أكون أنا المخرج بتاعها، ولكن شركة الإنتاج هي اللي بتحدد، واللي أنا عارفه أن في خطة يكون في جزء ثاني.

سبب اعتذار هادي الباجوري عن الجزء الثاني من سفاح الجيزة 

وتابع: أنا دايمًا لما بحب أعمل حاجة يكون عندي تحدي بعمله، والجزء اللي الناس شافته أنا كمخرج معملتش النوعية جي قبل كده، والجزء الثاني لو اتعرض عليا لو ملقتش فيه الحاجة اللي تخليني أعمل حاجة جديدة ممكن أعتذر.

واستطرد: أنا مبتأثرش أوي بآراء السوشيال ميديا سواء كانت بالمدح أو لأ ومش بتابعها أوي، وأنا بقيم العمل من وجهة نظري أنا مبسوط منه ولا لأ أو فيه عيوب وببقى عارف من الأول أن ده اللي أنا راضي بيه، ومفيش عمل مفيش فيه آراء مختلفة ومقدرش أسأل الناس إنتوا كنتوا عايزينه ينتهي إزاي، ودي حاجة موجودة طول الوقت وفكرة أن يكون في آراء مختلفة دي حاجة صحية للعمل، ومستحيل نرضي كل الناس.

وأردف: ممكن الجزء الأول من الحلقات علشان كان في قتل ودبح ودم، الناس شافوه مختلف عن الجزء الثاني من الحلقات وده اللي إحنا قصدناه ومحدش كان متوقع اللي حصل في الحلقات.

مسلسل سفاح الجيزة 

العمل من بطولة أحمد فهمي، باسم سمرة، ركين سعد، ميمي جمال، حنان يوسف، صلاح عبد الله، وآخرين.. تأليف انجي أبو السعود وعماد مطر، وإخراج هادي الباجوري.

قصة مسلسل سفاح الجيزة

وجدير بالذكر أن المسلسل مكون من 8 حلقات وأحداثه مستوحاة من قصة حقيقية وتدور حول "سفاح الجيزة" الذي أثارت قضيته ضجة في الرأي العام وصدرت ضده أحكام بالإعدام في 2021.