وفاة والدة خبيرة الاتيكيت أمينة شلباية.. وهذه تفاصيل الجنازة

رحلت عن عالمنا في الساعات الأولى من صباح اليوم والدة خبيرة الاتيكيت والتجميل أمينة شلباية، ويتم تشييع جثمانها اليوم الموافق 19 سبتمبر.

تحيا مصر يرصد تفاصيل وفاة والدة أمينة شلباية

وفاة والدة أمينة شلباية وموعد الجنازة

وذلك بعد صلاة الظهر بمسجد الرحمن الرحيم بطريق صلاح سالم، والدفن بمقابر العائلة على طريق الواحات بمدينة السادس من أكتوبر.

أمينة شلباية تكشف موقفها من الانتقادات

على الصعيد الآخر، كشفت أمينة شلباية عن موقفها من الانتقادات التي تتعرض لها قائلة: مبيزعلونيش خالص ولا بيتهزلي شعرة أبدًا، بالعكس دمهم خفيف جدًا وأنا كمان بتفرج عليهم، وفي فيديوهات كتيرة بتضحكني.. والفكرة إن دي حاجة مش أنا اللي كتباها دي مادة بتدرس وهو ده الإتيكيت، بالعكس فرحت إن أنا أثرت في الناس، سواء الناس اللي قاعدة بتتريق أو الناس اللي عايزة تتعلم، ولما الفيديوهات دي بتتنشر يمكن في ناس مش لاقياني على السوشيال ميديا أو ناس يمكن متعرفنيش أصلًا هتبدأ تتابعني”.

وتابعت: ودن القطة اللي بتاكلوا بيها العيش بالملوخية ده تعملوه في بيتكم مش مع ناس، والاكل بالشوكة ممتعه وطعمه بيبقى احلى.

تصريحات أمينة شلباية الأخيرة

وفي وقت سابق، حلت خبيرة الإتيكيت أمينة شلباية، ضيفة على برنامج “أنا سعيد”، الذي يقدمه الإعلامي سعيد جميل عبر قناة القاهرة والناس، والتي فجرت خلاله تصريحات جريئة كعادتها حول أداب التعامل والنظافة الشخصية وغيرها، ومن أبرز تصريحاتها في الحلقة:

• أنا لو مخطوبة لشخص بيتكرع قدامي ومش بيغسل ايديه  هسيبه ومش هفكر مرتين.
• توقفت عن تقديم البراماج بعد ما أضطريت أمسك كريم متأكدة إنه مسيء للناس وأتكلم عليه كويس وكان ممكن أفقد ثقة الناس بعد العمر ده.
• حلقة الكبسولة الذكية فجرتني، وحسيت إن الفلوس اللي بكسبها حرام وبشارك في تضليل الناس.
• لو جوزي مش بيغسل سنانه ومخلفتش منه همشي، وأصلا مكنتش هتجوزه من البداية لكن لو عندي عيال ومضطرة استمر في الزواج، أنا هغسل له سنانه بنفسي.
• لو عايز تربي دقنك ومكسل تحلقها هذبها، لكن عدم غسل الأسنان غير مقبول.