أول تعليق من محمد فراج على غضب الجمهور منه بسبب دفاعه عن داليا شوقي

رد محمد فراج.. خرج الفنان المصري محمد فراج، للرد على الهجوم الذي تعرض إليه بعد تعليقه على شائعة انفصاله عن زوجته بسنت شوقي ودفاعه عن شقيقتها  داليا شوقي بعد عرض مشاهدها في مسلسل سفاح الجيزة.

تحيا مصر يرصد رد محمد فراج على انتقاد الجمهور له وهجومه عليه.

 رد محمد فراج على انتقاد الجمهور له وهجومه عليه

وجاء رد محمد فراج حيث كتب محمد فراج عبر حسابه الرسمي بموقع تبادل الصور والفيديوهات القصيرة انستجرام: بعد مساء الفل، فوجئت بعدد كبير من أصدقائي بيقولولي مزعل الجمهور ليه يا فراج؟، بصراحة استغربت من السؤال، أنا بقالي أكتر  من 15 سنة ممثل، عمر ما حصل إن اتقال لي جملة زي دي

وتابع فراج: القصة باختصار أنا كنت في العرض الخاص لفيلمي واتسألت من برنامج محترم عن ردي على إشاعة انفصالي عن بسنت وانتقاد أداء داليا، ورغم إن لا الوقت ولا المكان يستحملوا الكلام ده، لأننا بنحتفل بالفيلم، لكن احتراما للإعلام بشكل عام جاوبت، بس زي ما كلكم عارفين إن صيغة السؤال بتتحذف من المونتاج والخبر اللي بيتنشر هو الإجابة فقط لاغير، فالسؤال كان: إيه ردي على حملات الإهانة والتجريح فأنا قولت إن ده مينفعش ناخده بجدية لكن مكنتش بتكلم على الجمهور بشكل عام إطلاقًا.

أزمة محمد فراج بسبب دفاعه عن داليا شوقي شقيقة زوجته بسنت شوقي 

وأضاف محمد فراج: أنا متأكد إن جمهوري اللي بنى اسم محمد فراج فاهم معنى كلامي كويس وعارف إن في فرق بين وجهة النظر وبين الإهانة والتجريح، ومتأكد إن جمهوري عارف إني مستحيل أحجر على رأيه، وياريت دايما الحكم على أي موقف أو رأي يكون بنظرة شاملة، مش من خلال سطرين متاخدين من مانشيت على فيس بوك، أو من فيديو اتعمل له مونتاج.

واختتم محمد فراج حديثه قائلًا: معلش طولت عليكم بس يمكن اللي حصل ده كان فرصة لتأكيد امتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات، بحبكم وشكرا لدعمكم ليا من بداية مشواري.