طارق الشناوي عن أزمته مع مصطفى قمر: هاخد حقي بالقانون.. ولازم يتعاقب على انفلاته

أعلن الناقد الفني طارق الشناوي، أنه سبتخذ الإجراءات القانونية ضد الفنان مصطفى قمر، بعد أن هاجمه بسبب انتقاده لفيلم أولاد حريم كريم، وذلك خلال لقاء له ببرنامج et بالعربي.

تحيا مصر يرصد تفاصيل تصريحات طارق الشناوي عن مصطفى قمر

طارق الشناوي: هاخد حقي بالقانون

وقال طارق الشناوي: فيه سب وقذف علني واللي هياخد الإجراء ده مش أنا.. نقابة الصحفيين لأنها جزء من المنظومة اللي بتحافظ على حرية التعبير، وبجانب الإجراء النقابي هيكون فيه إجراءات قانونية من خلال النقابة أيضا.

وتابع: وبقول للصحافة بلاش يقولوا ردا على هجوم لأني ما هاجمتش أنا انتقدت فيلم فاتشتمت علشان كده هاخد حقي بالقانون.

طارق الشناوي: مصطفى قمر لازم يتعاقب على حالة الانفلات اللي هو فيها

واستكمل: هو بيشتم والتعبيرات دي بتدينه قدام الرأي العام والقانون ومش هتنازل عن حقي حتى لو اعتذر، لأن ده سب وقذف علني يؤدي إلى السجن.

واختتم: وهفضل ورا القانون ولازم يعاقب على حالة الانفلات اللي هو فيها لأن مهما كان حالة الهزيمة اللي بيعشها لا يبرر له مهاجمتي.

رأي طارق الشناوي في فيلم أولاد حريم كريم

وسبق وأن كشف الناقد الفني طارق الشناوي عن رأيه في فيلم أولاد حريم كريم، الذي يعرض حاليًا بدور العرض السينمائية ضمن أفلام موسم الصيف.

وقال طارق الشناوي خلال لقاء له ببرنامج ET بالعربي: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.

طارق الشناوي: مشكلة مصطفى قمر أنه عايش على الزمن القديم

وتابع: ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.

واضاف: الكتابة في الفيلم قديمة أوي والتفاصيل دي مبقتش تجيب وتضحك ف الفيلم افتقد الضحك، ومصطفى افتقد الوهج، وساعة فيلم البطل كان ممثل وعنده حضور، لكن فقد كل دا.