بشرى تنهار من البكاء أثناء حديثها عن مرض السرطان: كلنا فقدنا ناس بسببه

انهارت الفنانة بشرى من البكاء أثناء حديثها عن مرض السرطان، على هامش تواجدها بمستشفى بهية لحضور العرض الخاص لفيلم أولاد حريم كريم مع محاربات سرطان الثدي، وذلك خلال لقاء لها ببرنامج et بالعربي.

تحيا مصر يرصد تفاصيل انهيار بشرى من البكاء

وقالت بشرى: كلنا فقدنا سواء حد من أهلنا أو أصدقائنا أو الجيران أو زملائنا بسبب مرض السرطان مفيش حد في عيلته مفقدش حد بسبب المرض اللعين.

تعليق بشرى على انتقاد طارق الشناوي

وسبق وأن علقت الفنانة بشرى على انتقاد الناقد الفني طارق الشناوي وهجومه على فيلم أولاد حريم كريم، والذي قامت بإنتاجه مؤخرًا ومن بطولة الفنان مصطفى قمر.

وقالت بشرى خلا مداخلة هاتفية  لبرنامج "قعدة ستات" الذي تقدمه الإعلامية مروة صبري على شاشة "القاهرة اليوم"،  الفيلم يجمع بين النوستالجيا والجيل الجديد، والكواليس مع المخرج علي إدريس كانت جميلة، واسألو الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.

واستكملت بشرى حديثها عن انتقاد طارق الشناوي للفيلم: في بعض النقاد ارائهم انطباعية مش تحليلة بشكل علمي بتحسس الناس أنهم مشافوش الفيلم اصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور.

بشرى وحريم كريم 2

وسبق وأن كشفت الفنانة بشرى عن رأيها في توقعات الجمهور حول أحداث فيلم حريم كريم 2، وذلك من خلال لقاء لها ببرنامج عرب وود على شاشة تلفزيون قناة روتانا.

وقالت بشرى: أنا بيضحكني جدا الناس اللي هي بتتكهن وبتتوقع حاجات وهما لسه ماشفوفش الفيلم، أولًا فيه شخوص رحلت عن عالمنا فبالتالي هو ملوش دور لأنه مش عايش، وفيه شخوص الدراما بعد 18 سنة، والزمن أتغير وحال الناس اتغير طبيعي حال الدراما والقصة كمان تاخد منحة مختلفة، في الأحداث الجديدة، يعني مينفعش حد توفى نصحيه مش هينفع.

وتابعت: لما بيبقى المنتج زميل أو ممثل أو فنان بيبقى حاسس أكتر بزمايله وبيبقى هما كمان عندهم حالة من الثقة في أن البعد الفني هيبقى فيه اهتمام بيه والبعد الأخلاقي اللي ورا الكاميرا، في الكواليس يبقى فيه احترام للزمالة، وأنا بشوف أن الممثل من أكتر الي لازم يهتم أنه ينتج لما يبقى عنده فرصة.