اليوم.. بشرى ضيفة برنامج أسرار النجوم مع إنجي علي

تحل الفنانة بشرى ضيفة على برنامج «أسرار النجوم» مع الإعلامية إنجي علي، المذاع على راديو «نجوم إف إم»، وذلك اليوم الأربعاء الموافق 13 سبتمبر في تمام الساعة العاشرة مساءً.

تحيا مصر يرصد تفاصيل حلقة بشرى مع إنجي علي.

تعليق بشرى على انتقاد طارق الشناوي لفيلم أولاد حريم كريم 

على الصعيد الآخر، كتبت بشرى على موقع انستجرام تعليقًا على انتقاد طارق الشناوي لفيلم أولاد حريم كريم:  أنا آسفة يا مصطفى لكن أنا شايفة إن كل واحد حر في رأيه والرأي لا يمثل إلا صاحب الرأي لكن الجمهور شأن آخر والغالبية قد قالت كلمتها ورأي واحد سلبي وغير موضوي أمام آلاف الإشادات في قاموس النسبة والتناسب يساوي 1 في الألف أو المليون ودي نسبة لا تُذكر.

وتابعت: ثم لو الأستاذ طارق شايف إن حضرتك قديم واحنا كلنا 12 بطل وبطلة من الجيلين كلنا قدام هو حر، مع إنك يا أخي من أكتر النجوم معاصرة وتجديد ومن أول من أحدث تطوير في الأغنية المصورة وأغانيك بتتعلب في كل مكان ومحفوظة من كل الأجيال والغالب مستمر فـ اسمحلي أقولك يا مصطفى احنا نسيب كل جديد وحديث للأستاذ طارق واحنا قاعدين مبسوطين ومرحرحين ومظأطاطين في القديم.. ده حتى المثل بيقول القديمة تحلى ولو كانت وحلة.

أزمة فيلم أولاد حريم كريم بطولة بشرى

واختتمت حديثها قائلة: إلا صحيح ما هو التعريف الرسمي للقديم وللحديث في المعجم الوجيز؟! أنا شخصيًا من مواليد التمانينات، وأحب القديم قوي.. ده حتى البقال معندوش جبنة جديدة بس عنده جبنة قديمة.. كان بالأحرى بالناقد الكبير كتابة نقد موضوعي وعدم إهمال جهود 12 ممثل في الفيلم ومنهم مجموعة من الشباب الواعد فقط لأن في أمر مشخصن كما يبدو مع شخص نجم الفيلم.. طب مش عاجبك القديم يا أستاذ طارق فيه 6 وجوع جديدة في الفيلم كلهم مش عاجبين حضرتك؟ ده قرار واعي بتحطيم الشباب بقى.. إذن لا تحدثني عن الحداثة وتتهمنا بالقدم.

تصريحات بشرى

وقالت بشرى خلال مداخلة هاتفية  لبرنامج "قعدة ستات" الذي تقدمه الإعلامية مروة صبري على شاشة "القاهرة اليوم": الفيلم يجمع بين النوستالجيا والجيل الجديد، والكواليس مع المخرج علي إدريس كانت جميلة، واسألو الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.

واستطردت: في بعض النقاد ارائهم انطباعية مش تحليلة بشكل علمي بتحسس الناس أنهم مشافوش الفيلم اصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور.

وتابعت: أصل ده فيلم مهرجانات ولا صوت يعلوا فوق الجمهور هي اللي بيحدد، الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا أشتغلت وعمُال كمان.

وأردفت: مفكرتش أكلمه ولا ألومه ومن أمتى وهو بيمدح اساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني.

وعن مهرجان الجونة قالت: الناس كانت بتقول بشرى مبتعزمناش ليه، قال يعني مهرجان الجونة بيت أبويا مش بشتغل فيه، لا طارق الشناوي عمره ما انتقدني وأنا رئيس ، وأنا بتوقع من أي حد أي حاجة طول الوقت.