رباب ممتاز: الفنانات اللي بتمثل عشان جمالها مبيستمروش ورفضت الممر عشان بدلة الرقص

خرجت الفنانة رباب ممتاز لتتحدث عن اعتماد المخرجين في الأونة الأخيرة على شكل الممثل أكثر من الموهبة، مشيرة إلى أن هؤلاء النجوم يستمرون لفترة قصيرة جدا ويحل مكانهم النجم ذو الموهبة.

تحيا مصر يرصد في ذلك التقرير تصريحات جريئة لـ رباب ممتاز

تصريحات رباب ممتاز عن عمليات التجميل

وقالت رباب ممتاز في تصرح خاص لـ موقع تحيا مصر: النجوم اللي بيعتمدوا على جمالهم مش هيعملوا حاجة خطواتهم بتتوقف عند حد معين، مبيكملوش ولا بيستمروا لأن مفيش موهبة، مهما حصل ومهما مرت السنين الموهوب هيفضل موهوب وهو اللي هيتطلب وهيشتغل لكن الحاجات التانية مش هتستمر لان مفيش حضور ولا شخصية.

واستكملت:  أنا ساعات من كتر عمليات التجميل مبعرفمش الممثلين من بعض كلهم واحد شكلا وتعبير وكل حاجة 

واختتمت حديثها: البوتكس الفيلر بيظلموا الفنان خاصة لما نيجي نعمل مسلسل صعيدي كانوا متضيقين جدا اني مش عاملة شفايفي وحواجبي اي ممثلة بتضايق اما تلاقي نفسها صعيدية لبناني.

رباب ممتاز: رفضت المشاركة في المرر بسبب بدلة الرقض

وتطرقت رباب ممتاز بحديثها عن خطوطها الحمراء في التمثيل، فقالت: أنا رفضت فيلم الممر عشان بدلة الرقص كانت مفتوحة أوي فكانت كتير عليا، ومعنديش مانع ألبس بدلة رقص لو محتشمة.

وعن أداء داليا شوقي في مسلسل سفاح الجيزة، قالت رباب ممتاز: معجبنيش أدائها خالص وخانها التعبير وزودت أدائها شوية كتير فكانت أوفر.. كانت المفروض يا تلتزم الصمت يا تنهار بطريقة صح، هي بتضغط على زرار تنتهار شوية وبعد كدة ترجع تتعامل عادي.

مشهد داليا شوقي في سفاح الجيزة

يذكر، أن داليا شوقي ظهرت في المشهد الذي أثار الجدل حولها في سفاح الجيزة، أثناء تواجدها في قسم الشرطة أمام باسم سمرة، حيث يخبرها الأخير بعثورهم على شقيقتها زينة في إحدى البيوت، حيث كان يختطفها زوجها محيي، ومن المتوقع وجود علاقة غير شرعية معه.

وبعد اعتراف باسم سمرة لـ داليا شوقي في المشهد، دخلت داليا شوقي في حالة انهيار شديدة نتيجة تعرضها لصدمة، حيث أنها لم تكن تتوقع أن يحدث ذلك من أقرب شخصين لها.