محمد سليمان: جوزت بنتي من غير مهر.. ولو عايزة تخلع الحجاب مش هقولها لا

تتحدث الفنان محمد سليمان عن كواليس زواج ابنته، وذلك خلال لقاء له ببرنامج فيس أوف والذى تقدمه الإعلامية سارة نخلة على شاشة قناة هي.

تحيا مصر يرصد تفاصيل تصريحات محمد سليمان ببرنامج فيس أوف

تصريحات محمد سليمان ببرنامج فيس أوف

وقال محمد سليمان: معملناش قايمة ولا مهر والحاجات دي القايمة والمهر ملهمش اعتبارات خالص.. شوية الكراكيب دي هي اللي هتحميها هو دة اللي هيأمن مستقبلها.

وتابع: حصل أى حاجة والكابلز انفصلوا والبنت أخدت العفش بتاعها دة كله مش مهم الأهم اني اعرفها ازاى تبقي مستقلة ماديا واقتصاديا.

محمد سليمان وابنته

وأكد على رأيه فى عدم أهمية القايمة، قائلا: علم البنت اللي اتعلمته دا اللي بيأمن مستقبلها أخلاقها ومفاهميها هي اللي بتأمن مستقبلها وطريقة تعاملها في الحياة دة المهم.

وكشف عن موقفه إذا قررت ابنته خلع الحجاب قائلا: طبعا مش هتدخل هي قبل ما تتحجب جت قالت ليا انا ومامتها على قرارها مامتها اتصدمت وانا قولت ليها فكري كويس مليون ألف مرة لأن خلع الحجاب دة شئ محبط.

برنامج "FACE OFF" تقدمه الإعلامية سارة نخلة على شاشة قناة "هي" يوميًا من السبت إلى الأثنين وتستضيف عددا من نجوم الفن وتناقش القضايا المطروحة يوميًا بين الجمهور.

محمد سليمان: محمد رياض وأحمد فؤاد سليم أساتذتي وبحب الشغل معاهم

وسبق وأن كشف الفنان محمد سليمان تفاصيل وأراء كثير في حياته الشخصية والعملية، فضلا عن دوره في مسلسل الناقور الذي بدأ تصويره منذ أيام ترقبا لعرضه قريبا على شاشات التليفزيون.

تحدث محمد سليمان عن دوره في مسلسل الناقور، فقال: دور مش جديد عليا، ظابط خرج من الخدمة وبيشتغل مع محمد رياض، وبتدور الأحداث في الإطار ده، والحقيقة غن كواليس المسلسل رائعة وبدأت أولى مشاهدي مع محمد رياض وبعده الفنان أحمد فؤاد سليم وهما أساتذتي وبعشق شغلهم.

وتطرق محمد سليمان بحديثه عن تريند “ده هاني”، والذي قال عنه: تريند ده هاني كان حاجة مقتبسة من مسلسل هذا المساء وده من أعظم المسلسلات اللي اشتغلت فيها، مع اياد نصار وأروى جودة، وكان تريند كوميدي شوية وكسر الدنيا، والشوت اللي هما عملوه كان خارج وغير مألوف عن الدراما اللي بنشوفها.