رانيا يوسف: أنا مش جريئة.. والست مقهورة في المجتمعات العربية.. واعتزلت الجواز

أكدت على أنها لا ترى نفسها جريئة، وأنما هي تربت في بيئة بها مساحة كبيرة من الحرية، وذلك من خلال لقاء لها عبر شاشة تلفزيون قناة mtv اللبنانية.

تحيا مصر يرصد تفاصيل تصريحات رانيا يوسف الأخيرة

رانيا يوسف: المجتمعات الشرقية قاهرة المرأة

وقالت رانيا يوسف: أنا مش جريئة ولا حاجة، أنا مختلفة واتربيت في جو فيه حرية بتخليني اعمل اللي أنا عايزاه وأخد قراراتي بنفسي، وفي الأخر أنا اللي بشيل نتيجة قراري، أنا مش شايفة أن المرأة في المجتمعات العربية والشرقية واخدة حقها في أي حاجة خالص.

وتابعت: دايما المجتمعات العربية قاهرة الست بشكل عنيف أوي، في حقوقها، وكفاية أنك ماشي تحكم عليها.. اعتزلت الحب واعتزلت الجواز واعتزلت العلاقات وأنا عايشة دلوقتي لولادي وشغلي وليا أنا كمان.

رد رانيا يوسف على طليقها محمد مختار

وعلى صعيد آخر، حرصت الفنانة رانيا يوسف الرد على طليقها المنتج محمد مختار، بعد أن أعرب عن استيائه من ارتداء ابنته لفستان البطانة في أحد المهرجانات السينمائية.

وردت رانيا يوسف قائلة: وانت كنت فين طول الـ13 سنة اللي فاتوا في حياة بناتك كنت برضه زعلان ونعم الأب.. ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل مش دي برضه المفروض أنها شرفك وعرضك ولا عشان كنت مستفيد؟.

وسبق وأن كشف محمد مختار عن رأيه في ارتداء ابنته لفستان البطانة خلال لقائه ببرنامج حبر سري، حيث قال: زعلت جدًا لما بنتي لبست فستان البطانة ومقدرتش افتح بوقي معاها لأن الأب فلوس وبس.

رانيا يوسف: مش بخاف من ربنا ولا الموت ولا الحساب

ومن ناحية أخرى، حلت الفنانة رانيا يوسف ضيفة على برنامج “العرافة”، الذي تقدمه الإعلامية بسمة وهبة على شاشة قناة النهار، والتي فجرت خلال تصريحات جريئة للغاية من بينها عدم خوفها من ربنا.

وقالت رانيا يوسف خلال البرنامج ردا على سؤال بسمة وهبة بشأن خوفها من الله: “أخاف من ربنا ليه أنا مبعملش حاجة غلط، أنا ربنا خلقني بني أدمة بغلط وبرجع لربنا بس ده مش معناه إني بخاف منه أنا بحبه، ليه ما نحب ربنا وأما بنحب حد عمرك ما هتزعليه، بحبه وبعمل اللي بيقولي عليه ومش بخاف من الموت ده راحة ولا بخاف من يوم الحساب وعندي ثقة مطلقة إني معملتش حاجة غلط، وعلى الفستان أنا غلطت ورجعت”.