بصورة من الردار.. عمرو وهبة يهنئ زوجته بعيد زواجهما: تمن هديتك هدفعه للمرور

حرص الفنان عمرو وهبة على تهنئة زوجته بعيد زواجهما بطريقة طريفة، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات عمرو وهبة عبر إنستجرام

عمرو وهبة يحتفل بعيد زواجه بطريقة طريفة

ونشر عمرو وهبة صورة لزوجته من مخالفة المرور، وعلق عليها قائلًا: دورت على صورة حلوة أنزلها عشان عيد جوازنا ملقتش صورة أحلى من اللى مصورهالك وزارة الداخلية.

وتابع: وأنتي لاطشة عربيتي من ورايا وبترمحي في قلب شوارع القاهرة.. كل سنة وأنتي طيبة وتمن هديتك هدفعه للنيابة العامة للمرور إن شاء الله.

لقاء عمرو وهبة بـ محمد صلاح

وسبق وأن كشف الفنان عمرو وهبة تفاصيل لقائه بلاعب كرة القدم العالمي محمد صلاح، وذلك من خلال منشور عبر حسابه الشخصي على موقع التواصل الاجتماعي فيسبوك.

ونشر عمرو وهبة صورة له رفقة محمد صلاح، وعلق عليها قائلًا: من أكبر غلطات محمد صلاح في كاريره أنه نده عليا وأنا داخل الطيارة وسلم عليا وخلاني اتصورت معاه.

وتابع: رحلة أربع ساعات كاملين كلت فيهم ودنه وصدعته بـ أسئلتي، وندمته أنه قرر يندهلي بس اتبسطت جداً واتعلمت منه وشوفت الناس عالطيارة بتبصله ازاي.

واضاف: وفهمت ليه هو ما شاء الله كينج مو خصوصاً لما كان الأجانب بيقولولي ممكن تقول لـ مو صلاحيتصور معانا.. كل سنة وأنت طيب وناجح وأكتر شخصية مصرية أثرت في الجيل الحالي والقادم.

عمرو وهبة وعلاقته بزوجته

عرف عمرو وهبة بحبه الشديد لزوجته ومواقفهم الطريفة معا، حيث سبق وهنئها بعيد زواجهم فقال: "النهارده كده ماشاء الله كملنا ١٦ سنه مع بعض.. انا عارف ان كلمه رجوله بتبقى غريبه لما تتقال على بنت بس الصراحه هى الكلمه الوحيده المعبره عن اللى بتعمله معايا طول عمرها، انا لما كان نفسى اسيب شغلى عشان احقق حلمى وامثل.

وتابع: وقولتلها مش هينفع اعمل كده عشان مصاريف البيت قالتلى لو هتبقى مبسوط سيبه وحاول فى اللى بتحبه وانا متأكده انك موهوب وهتنجح ولو اتزنقنا انا بشتغل وهصرف انا لحد مالدنيا تمشى ..صحيح من ساعتها هى اللى بتصرف فعلاً بس كان موقف نبيل الصراحه هى اكيد ندمانه عليه دلوقتى”.