مدحت العدل: محمد رمضان راقي ومواعيده مظبوطة.. وع الزيرو كان بدايته الحقيقية في السينما

تحدث السيناريست مدحت العدل عن تفاصيل تعاونه مع النجم محمد رمضان في فيلم ع الزيرو، الذي يعرض حاليا في دور العرض السينمائية، وذلك خلال لقاء له ببرنامج عرب وود.

تحيا مصر يرصد تفاصيل تصريحات مدحت العدل عن محمد رمضان

مدحت العدل: محمد رمضان نجم كبير جدًا

وقال مدحت العدل: محمد رمضان نجم كبير جدًا، وممثل هايل طول عمري بحبه وبحترمه، وعلى المستوى الفني مؤمن بيه جدًا.

وتابع: وعلى المستوى الإنساني هو إنسان جميل وراقي ومواعيده مظبوطة وعمره ما اتأخر، وفيه كل المميزات اللي نتمناها في حد نشتغل معاه.. وفيلم ع الزيرو كان تجربة كانت هايلة، والحمد لله إنهم بيقولوا إنها تعتبر بداية حقيقية لمحمد رمضان في السينما.

مدحت العدل:  أنا بحب المنافسة.. ولازم الناس تعرف أن المنافسة شيء جيد

وسبق وأن كشف السيناريست والمؤلف مدحت العدل عن رأيه في منافسة أفلام موسم الصيف هذا العام، مؤكدًا على أن المنافسة شيئًا جيدًا، ويصب في مصلحة السينما المصرية.

وقال مدحت العدل في تصريحات خاصة لموقع تحيا مصر: أنا بحب المنافسة ولو مفيش منافسة مش هجود ولازم الناس تعرف أن المنافسة شيء جيد، وأن أنا لما ببقى لوحدي، ايه حلاوة أني أجيب إيرادات ومفيش غيري، لكن لما بنبقى مع بعض، كلنا بنجود وبنحاول نقدم أحسن ما عندنا وكل دا بيصب في صالح السينما المصرية اللي هي القوة الناعمة.

أما بسؤاله عن السبب وراء تعاون شركة “العدل جروب” مع نجوم محددين فقط، قال مدحت العدل: احنا بنشتغل مع كل الناس، محمد رمضان اشتغلنا معاه قبل كدا في نسر الصعيد وكسر الدنيا، اشتغلنا مع منة شلبي في حارة اليهود، واشتغلنا مع ريهام حجاج، ومع نجوم الشركة زي يسرا ونيللي كريم وهكذا.

ع الزيرو وتجارة الأعضاء البشرية

وعلى صعيد أخر، رد الدكتور مدحت العدل علي ما قيل حول فيلم ع الزيرو بطولة النجم محمد رمضان و ترويجه لتجارة الاعضاء البشريه.

و قال مدحت العدل : انا رجل طبيب بشري و ضد تجارة الاعضاء البشرية و أحاربها، كما ان لها سماسره يحتالون على الشباب و هم موجودين في كل مكان و هم مافيا لبيع الاعضاء و الامر ليس مقتصر على مصر فقط بل في كل دول العالم.