شغالة خدامة.. فادية تطلب الخلع: بياكل 8 مرات في اليوم
ADVERTISEMENT
من يوم ما أشتغل من البيت وأنا عايشة في هم.. بهذه الكلمات سردت فادية مأساتها مع زوجها، بعد زواج استمر قرابة 9 سنوات، إلا أنه أنتهى بتقدمها إلى محكمة الأسرة في الكيت كات لطلب الخلع منه، بعد محاولات منها للمحافظة على العلاقة الزوجية وتعديل سلوك زوجها، ثم طلبها الطلاق بصورة ودية ورفض زوجها.
زوجة تطلب الخلع من زوجها
وقالت فادية في قصتها مع زوجها «أنا أتجوزت من 9 سنين بعد فترة خطوبة سنتين، ساعتها كان عمري 22 سنة لما أتقدم إسلام لأهلي عشان يطلبني للجواز، وساعتها كان بيشتغل في شركة في عين شمس وقال أنه عنده شقة وأن مرتبه كويس، وعرفت أنه أكبر من بـ سنتين وساعتها أهلي وافقوا على الجواز، وأتفقنا على سنتين خطوبة وبعدها نتجوز، وفعلا اتجوزته بعد سنة و10 شهور».
وتابعت فادية عن تفاصيل إقامتها دعوى خلع «أنها لم تتعرض لمشاكل في بداية الزواج بينها وبين زوجها، حيث كانت الحياة طبيعية مثلها مثل اي زوجة، مع المشادات الطبيعية التي تحدث في كل المنازل، حيث رزقت بـ طفلة بعد عاما من الزواج، واسمتها فاطمة».
فادية: تعبت منه بياكل 8 مرات في اليوم
وأكملت فادية قائلة «إسلام مكنش بخيل والظروف كانت كويسة جدا بيني وبينه، وبعدها جت فترة كورونا وطبعا زيه زي ناس كتير أشتغل من البيت، وكان بيصحى الساعة 8 الصبح يشتغل لحد 6 بالليل، وده طبعا كان بيخليني أصحى بدري عشان أعمل فطار وأعمله قهوة أو شاي أو نسكافيه طول اليوم».
وأضافت فادية «كنت بعمل فطار الصبح وبعدين أشتغل شوية في شغل البيت وتجهيز الغداء ده طبعا بالإضافة لبنتي اللي كانت لسه عندها 4 سنين وكنت بهتم بيها، وساعتها كان إسلام بيطلب حاجة كل 5 دقائق، ما بين مشاريب طيب هاتي حاجة أكلها، وأنا كنت تعبت من الطريقة دي، لحد ما وصل الموضوع أنه بياكل 8 مرات في اليوم».
فادية: كنت عاملة زي الخدامة
وأختتمت فادية «أنا كنت تعبت من الخدمة كل شوية دي وأنه مش بيريح وحصلت بيني وبينه مشاكل، وصلت بينا أني طلبت الطلاق وهو رفض حاجة زي دي وساعتها روحت محكمة الأسرة في الكيت كات وطلبت الخلع لأني مكنتش قادرة أستحمل».
جوجل نيوز
تطبيق نبض
