منى فاروق تتعرض لأزمة صحية مفاجئة.. وتعلق: ادعولي

تعرضت الفنانة منى فاروق لأزمة صحية مفاجئة أدت إلى دخولها إحدى المستشفيات، وذلك وفقًا لما أعلنته عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات منى فاروق عبر إنستجرام

ونشرت منى فاروق صورة لها من إحدى المستشفيات، من خلال خاصية إستوري، وعلقت عليها قائلة: اللهم أنت الشافي، قدر الله وما شاء فعل ولا حول ولا قوة إلا بالله العلي العظيم.. الحمد لله.

منى فاروق: مش عارفة ادفع إيجار بيتي

وسبق وأن حرصت الفنانة منى فاروق التعليق على قرار اعتزالها، مؤكدة على أنها تريد العمل في الفن بشدة، وذلك من خلال منشور عبر حسابها الشخص على موقع تبادل الصور والفيديوهات إنستجرام.

وكتبت منى فاروق خلال خاصية استوري: مساء الخير.. الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية.

وتابعت: أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي.

منى فاروق وشائعات ارتباطها بـ نجل وفاء عامر وإمام عاشور

وعلى صعيد أخر، قالت منى فاروق لـ تحيا مصر: عمر فوقي ابن الفنانة وفاء عامر هو اصغر مني بسنين كتير جدًا وشوفته صدفة في الساحل واتصورنا صورة بقت تريند.. وساعتها نزلت معاه فيديو على الأكونت بعد الإشاعة عشان أاكد إن مفيش حاجة.

وأما عن شائعات ارتباطها بـ إمام عاشور قالت منى فاروق لـ تحيا مصر مازحة: ارتبطت بسبعة السنة اللي فاتت، لا مرتبطش بإمام عاشور طب معزمونيش ليه.

وتابعت: مام عاشور لاعب محترم وأصغر مني على فكرة، وعارفاه من صحاب مشتركين، وشخصية جميلة وخطب دلوقتي وبقوله الف مبروك.