بعد اعتذارها لحسن شاكوش.. رضوى الشربيني تلقن ريم طارق درسا

خرجت الإعلامية رضوى الشربيني لتلقن ريم طارق، طليقة مطرب المهرجانات الشعبية حسن شاكوش، درسًا قاسيًا، وذلك بعد فيديو اعتذارها لطليقها والذي نشره الاخير عبر حسابه الرسمي بموقع التواصل الاجتماعي فيسبوك.

تحيا مصر يرصد في ذلك التقرير تصريحات رضوى الشربيني عن طليقة حسن شاكوش

وبدأت رضوى الشربيني حديثها بعرض اعتذار ريم طارق لحسن شاكوش، مستعينة بتصريحاتها السابقة عن طليقها والتي أشارت فيها بأنه عرضها للأذى وشهر بها وأساء لسمعها، فضلا عن خيانته لها في نهار رمضان مع ممثلة شهيرة.

رضوى الشربيني تعتذر لحسن شاكوش

وتابعت حديثها موجهة اعتذارها لحسن شاكوش، فقالت 
أنا أسفة على كل الضجة اللي حصلتلك بس احنا كنا متعاطفين معاها عشان ست وبتعترض لأذى في شرفها وسمعتها.

وأضافت: كنا مصدقينها عشان بتقول انها مظلومه وسيرتي وسمعتي وشرفي لكن الواحد بيتعلم من اخطائه.. وبعتذر لحسن شاكوش على الهوا.

رضوى الشربيني تنفعل على ريم طارق طليقة حسن شاكوش

واستكملت رضوى الشربيني حديثه: بقول لكل ست لو عندك شك أن جوزك راجل محترم أو مش محترم متتكلميش ومتطلعيش فويس نوتس وشات وتعملي فيلم أن كل مشكلتك سمعتك والحكاية كلها في مستحقاتك المالية.. كان ممكن تاخديها من غير تشهير.

وأكدت رضوى الشربيني على أنها حاولت التواصل مع ريم طارق قبل الهواء لكنها قامت بإغلاق الهاتف في وجهها.

اعتذار ريم طارق لحسن شاكوش

وكانت قد اعتذرت ريم طارق لحسن شاكوش في فيديو على حسابها بموقع التواصل الاجتماعي فيسبوك: الحمدلله  اخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف،  وأي حد سيرته جت في الموضوع سواء من أهله او من اهلي او مامته ف حقهم على راسي وكل شئ قسمة ونصيب.

وتابعت: اللهم لك الحمد الموضوع خلص على خير ودا اللي كنت بتمناه من البداية، خراب البيوت وحش ومش ترند دا إن أبغض الحلال عند الله الطلاق اجتنبوا كثيرًا من الظن إن بعض الظن إثم، ربنا ما يكتب على أي حد التشتيت أو تفريق القلوب، ربنا يكتبلنا الخير ويعوضنا في اللي جاي ويبعد عنكم جميعًا خراب وهدم البيوت.