إيمي طلعت زكريا: شخصية والدي كانت موجود في سيناريو الجزء الثاني من حريم كريم قبل وفاته

تحدثت الفنانة الشابة إيمي طلعت زكريا على الجدل المنتشر بشأن عدم تواجد والدها في الجزء الثاني من فيلم حريم كريم 2 وإمكانية استبدال شخصيته بـ فنان أخر تجنبا لعدم إلغاء هذه الشخصية المحورية من العمل.

تحيا مصر يرصد في ذلك التقرير تصريحات إيمي طلعت زكريا عن فيلم حريم كريم 2

إيمي طلعت زكريا: والدي كان موجود في سيناريو الجزء الثاني من حريم كريم

وقالت إيمي طلعت زكريا في تصريحات خاصة لـ موقع تحيا مصر: ببارك لـ أبطال حريم كريم على الفيلم ومصطفى قمر شخصية جميلة جدا وربنا يوفقه ولكن طلعت زكريا ملهوش بديل عشان كل فنان ليه مدرسته الخاصة والشخصية بتاعة والدي كانت موجودة في الفيلم وهو عايش واحتمال يكونوا شالوها أما توفى.

وعن أزمة تصريحات والدها باستخدام الذكاء الإصطتناعي، أكدت إيمي طلعت زكريا بأنها لازالت مستمرة في الإجراءات القانونية ضد تلك الصفحات التي تستخدم هذه التقنية في التشهير بسمعة الفنانين وقول تصريحات كاذبة على لسانهم وتتابع التحقيق فيها أول بأول.

أزمة فيلم حريم كريم 2

ويمر فيلم حريم كريم 2 بأزمة خلال الوقت الحالي وذلك بعد هجوم طارق الشناوي عليه، قائلا: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول، الكتابة في الفيلم قديمة أوي والتفاصيل دي مبقتش تجيب وتضحك ف الفيلم افتقد الضحك، ومصطفى افتقد الوهج، وساعة فيلم البطل كان ممثل وعنده حضور، لكن فقد كل دا.

طارق الشناوي يهاجم مصطفى قمر

واستكمل حديثه، قائلا: مشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.

من جانبه، خرج مصطفى قمر للرد وقال: هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه….؟…. هي من اريع حروف بيتهيألي.