بعد هجومه على حريم كريم 2.. مصطفى قمر لـ طارق الشناوي: كاتب كلام أهبل

خرج الفنان مصطفى قمر للرد على انتقاد وهجوم الناقد الفني طارق الشناوي على فيلمه الجديد أولاد حريم كريم، والذي طرح في السينمات المصرية منذ أيام قليلة.

تحيا مصر يرصد في ذلك التقرير أول تعليق من مصطفى قمر على هجوم طارق الشناوي على حريم كريم 2

مصطفى قمر يرد على هجوم طارق الشناوي على فيلمه

وكتب مصطفى قمر عبر حسابها الرسمي بموقع تبادل الصور والفيديوهات انستجرام، موجهًا حديثه لـ طارق الشناوي: "هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه….؟…. هي من اريع حروف بيتهيألي".

طارق الشناوي عن أولاد حريم كريم: من أسوأ الأفلام وملوش علاقة بفن السينما

وكان قد قال طارق الشناوي خلال لقائه بـ برنامج et بالعربي: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.

وتابع: ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.

واختتم حديثه: الكتابة في الفيلم قديمة أوي والتفاصيل دي مبقتش تجيب وتضحك ف الفيلم افتقد الضحك، ومصطفى افتقد الوهج، وساعة فيلم البطل كان ممثل وعنده حضور، لكن فقد كل دا.

مصطفى قمر وفيلم أولاد حريم كريم

ويذكر، أن فيلم أولاد حريم كريم من بطولة مصطفى قمر، داليا البحيري،  بسمة، علا غانم، خالد سرحان، عمرو عبد الجليل و بشري ، بالإضافة إلي مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم.