سماح أنور تشيد بـ أشرف زكي: بيقف في ضهر بالوقت اللي كله بيهاجمني فيه

تحدثت الفنانة سماح أنور عن أزمتها الأخيرة والتي عرضتها للهجوم من قبل الجمهور بعدما صرحت بأنه يكره الفنانين، مستخدمة مصطلح “يولع”.

تحيا مصر يرصد في ذلك التقرير تصريحات سماح أنور عن أزمتها الأخيرة

سماح أنور: أشرف زكي بيقف في ضهرنا ومبحبش أتكلم عن أزمتي الأخيرة

وقالت سماح أنور خلال تصريحات خاصة لـ موقع تحيا مصر: أنا مش بحب أتكلم عن الأزمة دي والناس فهمتني غلط، لكن القريبين مني عارفين مين سماح أنور وقصدها ونيتها إيه، فكل واحد حر يفهم اللي هو عايزه.

وعن وقوف أشرف زكي بجانبها ودعمه لها، قالت سماح أنور: أشرف زكي بيقف مع ناس كتير وفي الوقت اللي كان كل الناس بتهاجمني هو بيكون في ضهري وده مش بيحصل معايا بس لكن مع كل الفنانين بيعمل كدة

وأكدت سماح أنور في تصريحاتها: أنا اللي بقف مع نفسي بعد ربنا ودي حاجة متزعلش.

سماح أنور وازمتها مع الشعب المصري

وكانت قد قالت سماح أنور في بث مباشر على صفحتها بموقع “”فيسبوك": الشعب بيكره الفنانين وبيشتمهم وبيبصلهم بصة دنيئة، وده مش بيهم الفنان لأنه بيبدع عشان يتبسط ويبسط الناس واللي مش سعيد بيهم يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي ربنا خلقنا بيها.

وتابعت: مهما الدولة عملت في البلد عشان ترتقي بيها مش هتعرف طول ما في ناس مش عايزين حاجة حلوة تحصل في البلد، وأنا بالنيابة عن أولاد الفنانين الراحلين برجو وزارة الثقافة تكمل في مبادرة عاش هنا، ولو جمهوري وقف ضدي مش عايزة جمهور.

أشرف زكي يتدخل في حل أزمة سماح أنور

وتدخل أشرف زكي بشكل سريع في أزمة سماح أنور، وخرجت الأخيرة لتعتذر من الجمهور حيث قالت: بشكر حضرتك لوجودك جنبي في الموقف ده وسوء الفهم ده.. أولا شكرا لكل الناس اللي تفهمت موقفي ووقفت جنبي.. وبالنسبة للناس اللي فهموا موقفي غلط أحب أوضحلهم أنا ست مصرية طول عمري وأهلي مصريين، ومصر لها عليا كتير ومكنتش هبقى أي حاجة لولا مصر وشعب مصر.