طارق الشناوي عن فيلم مرعي البريمو: فشل زريع.. وهنيدي لازم يتخلى عن البطولة المطلقة

وجه الناقد الفني طارق الشناوي نصيحة للنجم محمد هنيدي، بعد طرح فيلمه الأخير مرعي البريمو في دور العرض السينمائية ضمن أفلام موسم الصيف.

تحيا مصر يرصد تفاصيل رأي طارق الشناوي في فيلم مرعي البريمو

رأي طارق الشناوي في فيلم مرعي البريمو

وقال طارق الشناوي خلال لقاء له ببرنامج ET بالعربي: لازم هنيدي يغير السيستم، يفكر يشتغل في فيلم معاه كريم عبد العزيز أو أحمد عز، لازم يروح في دايرة أدوار تانية، لكن هو يبقى البطل المحوري كل دا ورقة وانتهت، لازم يلعب في سكة تانية، ويعمل عمل فني يكون هو أحد الأبطال.

وتابع: هو وعد الجمهور وزود أوس سقف توقعاتهم، والواقع كان هذيل ومفيش شيء جديد ولا مختلف ولا منطقي، وسعيد حامد مخرج مهم، والفيلم في أسوأ حالات الكاتب والمخرج والنجم، والعناصر كلها المجتمعة أدت للفشل الزريع، وبقيت الممثلين في أسوأ حالاتهم.

تفاصيل فيلم مرعي البريمو

فيلم "مرعي البريمو" من بطولة النجم محمد هنيدي، غادة عادل، لطفي لبيب، علاء مرسي، إنجي علي، نانسي صلاح، محمد محمود، وغيرهم، والفيلم من إخراج سعيد حامد، وتأليف إيهاب بليبل.

وكان قد حرص الفنان محمد هنيدي على تشويق الجمهور لـ عمله السينمائي الجديد والذي أتى بعنوان “مرعي البريمو”، مشيرا إلى أنه لاحظ عدم إعجاب عدد من الجمهور بـ أعماله خلال الفترة الماضية، وكتب محمد هنيدي عبر حسابه الرسمي بموقع التواصل الإجتماعي “فيسبوك”: أنا عارف أن في ناس ممكن ميكنش عجبها بعض الأفلام اللي فاتت، بس مع الفيلم ده بوعدكم إن هنيدي راجع بقوته من جديد مع المخرج الكبير سعيد حامد.

رأي طارق الشناوي في فيلم أولاد حريم كريم

وسبق وأن كشف الناقد الفني طارق الشناوي عن رأيه في فيلم أولاد حريم كريم، الذي يعرض حاليًا بدور العرض السينمائية ضمن أفلام موسم الصيف.

وقال طارق الشناوي خلال لقاء له ببرنامج ET بالعربي: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.