أنا فوق مستوى الشبهات.. انفعال نادية الجندي بعد اتهامها بالسرقة في برنامج خمس نجوم

تعرضت الفنانة نادية الجندي لمقلب اتهامها بسرقة قطع من الذهب خلال وقوعها ضحية برنامج المقالب خمس نجوم الذي عُرض على شاشة قناة Mbc مصر في السباق الرمضاني 2021.

تحيا مصر يرصد تعرض نادية الجندي لمقلب سرقة الذهب.

نادية الجندي ضحية برنامج خمس نجوم

وانفعلت الجندي على مالك المحل بعدما طالب بتفتيشها لترد الأخيرة: لا أنتو بتهرجوا.. أنا آسفة مين ده اللي يفتش مين أنا فوق مستوى الشبهات ومحدش هيفتش شنطتي، بس بلا قرف تعالى شوفي المحل الزبالة اللي جيباني ليه ده، موجهة حديثها للفنانة نور.

برنامج خمس نجوم 

جدير بالذكر أن برنامج «خمس نجوم»، يجمع عدد من أبرز النجوم وهم غادة عادل، نور، كريم فهمي، مُصطفى قمر، محمد الشرنوبي، حيث يُقدمون حلقات كاميرا خفية في فنان آخر جديد أو أحد مشاهير الرياضة والإعلام.

على الصعيد الآخر، تحدثت الفنانة نادية الجندي على حفاظها على مظهرها ورشاقتها قائلة: الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها، وإحنا بقى عندنا ثقافة الرياضة والرشاقة والتجميل وثقفات الناس مكنتش بتهتم بيها زمان، والوعي زاد أوي.

تصريحات نادية الجندي 

وعن سبب غيابها قالت: "يوم أما أنزل في عمل لازم يكون ليه قيمة وفيه حاجة جديدة، عملت كل الأدوار اللي ممكن أعملها فمحتاجة ادوار جديدة”.

وتابعت مهاجة مؤلفين هذا العصر: “مفيش كتاب تقال زي زمان بقى في استسهال، أما يعجبوا حاجة بيقلدوها وبقدمو سيناريو 4 صفحات والباقي بيقولوا هكمولها واحنا بنصور ودا شغل مينفعش معايا، أنا اعمالي السيناريو بيتكتب فيها من 4 لـ 6 مرات”.