رضوى الشربيني عن أحمد سعد وعلياء بسيوني: متأكدة أن الخير جايلهم لأنهم طيبين

فجرت الإعلامية رضوى الشربيني عدة تصريحات لـ برنامج ET بالعربي حول حلاقة أسما شريف منير لشعرها وأزمة الفنان أحمد سعد وزوجته علياء بسيوني.

تحيا مصر يرصد تصريحات رضوى الشربيني.

تعليق رضوى الشربيني على أزمة أحمد سعد 

وقالت الشربيني: أنا بدعم كل الستات وهي لو صاحبتي هدعمها، وأنا مهجمتش أحمد سعد، أحمد صديقي وعلاقتي بيه كويسة جدًا جدًا وأنا كنت بتكلم على الناس اللي بتنتقد علياء، وأنا متأكدة أن الخير جايلهم لأن أحمد وعلياء طيبين.

وعن أسماء شريف منير تابعت: أسما شريف منير حبيبتي وأنا بحبها وهي عارفه أنها قريبة من قلبي، وأنا قولت أنها معملتش حاجة غلط، وطالما مبتعملش حاجة تضر حد يبقى محدش له دعوة، وقولت للفنان شريف منير برافوا عليك لأن كل أب لازم يبقى داعم لابنته، ومعنديش الجرءاه أعمل زيها.

تصريحات رضوى الشرببني

على الصعيد الآخر قالت رضوى الشربيني خلال برنامج أنا والقناع: شرف ليا إني إمرأة ومكنتش أحب أتخلق راجل ولو حد شايفني تهمة فده في نظر أشباه الرجال، وأنا مبسمحش لنفسي إني انهار ومعظم الوقت متفائلة وراضية وكل حاجة بتحصل خير عشان رب الخير ما بيجبش الا الخير".

رضوى الشربيني في أنا والقناع

وعن تداول فيديوهاتها التي دائما ما تكون مناصرة للسيدات، قالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.

وتطرق بحديثها عن تحريف بعض تصريحاتها والذي كان من بينهم تصريح “الست مش ملزمة تبات في بيت جوزها”، فأوضحت رضوى الشربيني حقيقته، قائلة: “أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة”.

وعلقت على سجود زوجة حسن شاكوش له في حفل الزفاف، معربة عن استيائها من ذلك الأمر، فقالت: “حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده”.