إحداهما من أجل والدها.. مي كساب تستعد لطرح أغنيتين

كشفت الفنانة المصرية مي كساب عن تسجيل أغنيتين جديدتين، الأولى لمستشفى خيري والأخرى من أجل والدها الذي رحل عن عالمنا مؤخرًا.

تحيا مصر يرصد تفاصيل أعمال مي كساب الجديدة. 

تفاصيل أعمال مي كساب الجديدة

وكتبت مي كساب عبر حسابها الرسمي بموقع تبادل الصور والفيديوهات القصيرة. انستجرام "وزي ما وعدتكم إني هأرجع أغني قريب سجلت أغنيتين الأولي لصالح مستشفى الناس والتانيه لأبويا حضن أبويا".

تصريحات مي كساب التليفزيونية 

وأضافت: اللي حابب يشارك معايا في الكليب يبعتلي صوره ليه مع والده الله يرحمهم جميعا ويجعلنا أبناء صالحين ليهم في الدنيا هأستقبل الصور علي الرسايل في صفحة الفيس بوك والإنستجرام.

من جانبه، قالت مي كساب خلال لقائها ببرنامج بودكاست بتاع أفلام: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.

وتابع: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.

وأضافت: عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.

مي كساب ضيفة تفاعلكم

وكانت قالت مي كساب خلال حلولها ضيفة على برنامج “تفاعلكم”: “زينة صديقة ليا من زمان قبل كا نتشهر وهي محترمة وبعتز بصديقتها لكن في أغلبية التصوير هي مكنتش بتكون معانا فيه عشان كدة مفيش حاجة بتجمعنا بيها لكن مفيش مشاكل بينا”.

وتحدثت مي كساب أيضا عن غنائها رباعية انسى الوجع، حيث قالت: “محمد سامي فكر من الأول إن الرباعية تكون بصوتي أفضل وكان شايفني مطربة مقصرة في الغناء، ومحمد سامي صاحب وجهة نظر متفردة وبيعفر يوظف الفنان صح”.