زوجة تطلب الخلع: أكتشفت فى الصباحية أنه بيعمل حمام على السرير ورافض يلبس حفاضة

" مكنتش أعرف انى مريض بالتبول اللإرداى واتصدمت يوم الصباحية لما صحيت ولقيت السرير غرقان مياه وهدومه ولما واجهته قالى دى توتر عندى ومش دايما واتعودى على كدا" كانت هذه الكلمات التى نطقت بها الزوجة من داخل محكمة شمال الجيزة وهى تقيم دعوى خلع ضد زوجها بعد 4 شهور فقط من الزواج مبررة استحالة استكمال الحياة الزوجية بينهما بعد أن رفض زوجها أن يذهب للطبيب لعلاجه أو أن يرتدى حفاضة أثناء النوم.

تحيا مصر 

وقالت الزوجة فى بداية حديثها: " اتجوزت جواز صالونات ومكنتش اعرفه قبل كدا هو شافنى فى فرح ناس اقاريبنا، وعجبته واتقدم ليا، وهو فعلا شكله وسيم، وبيشتغل ومرتبه كويس وشكليا فيه كل حاجة مناسبة ليا، وعشان كدا وافقت عليه وكانت فترة الخطوبة أكتر من 9 شهور وكنا بنتكلم فى كل حاجة لكن عمره ما قالى على مرضه أو صارحنى بالمشكلة اللى عنده ويسيب ليا حرية الاختيار أنى اقبل أو أرفض.

جوزى بيعمل حمام على نفسه 

وتابعت، لكن هو خبى عليا لحد ما اكتشفت انه عندة مشكلة التبول اللإدارى وهو نايم، وأكتشفت دا بنفسي يوم الصباحية لما صحيت قبله من النوم ولقيت السرير غرقان مياه وهدومه، وكنت فى صدمة وأنا مش مصدقة انى ممكن يكون بيعمل حمام على نفسه وهو نايم، ولما صحى واجهته ولقيته بيرد بكل برود دى مشكلة عندى بتيجى احيانا من التوتر واتعودى على كدا، فى الأول سكت لحد ما بقي كل يوم نفس الموضوع واغسل ملايات ولو حظيت تحته مشمع يتعصب.

دعوى الخلع بمحكمة الأسرة

وأكملت الزوجة، ويفضل يزعق فيا، حتى اقترحت عليه موضوع الحفاضة رفض وكل يوم ملزمة أنى اغسل الملاية وهدومة اللى بيعمل عليها حمام، وطلبت منه نروح لدكتور برضوا رفض، وانا مبقتش قادرة استحمل العيشة بالشكل دا طلبت منه الطلاق رفض، عشان كدا قررت ارفع عليه دعوى خلع ومازالت الدعوى منظورة أمام القضاء.