شقيقة عزت أبو عوف: محتاجين من الدراما انها تركز أكتر على ذوي الهمم وتدي حق لموهبتهم

تحدثت ميرفت أبو عوف، شقيقة الفنان عزت أبو عوف والفنانة مريم أبو عوف عن ذوي الهمم ومشاركتهم في الأعمال الفنية المختلفة، مشيرة إلى أنهم مهمشين للغاية.

تحيا مصر يرصد في ذلك التقرير تصريحات شقيقة عزت أبو عوف عن ذوي الهمم وعلاقتهم بالدراما المصرية

ميرفت أبو عوف: محتاجين إن الدراما تهتم شوية بـ ذوي الهمم لأنهم مهمشين

وقالت ميرفت أبو عوف في تصريح خاص لـ موقع تحيا مصر: فنون التمثيل والمسرح والدراما مهمشين بشكل كبير والمسلسلات اللي شوفتهم فيهم كانت مريم أبو عوف مطلعة ذوي الهمم في كذا دور معاها، لكن احنا بنقدمهم بشكل بسيط جدا في الدراما مع ان التصوير فيه مشقة شديدة والمجهود بالنسبالهم مضاعف، فمحتاجين نكتب قصص عشانهم وليهم، وزي ما فيه ممثلين فطاحل ففي منهم بيمثلوا بجدارة، وشغلهم والاستعراضات اللي بيعملوها بتبين قد اي هما قادرين.

واستكملت حديثها، قائلة: هما محتاجين ورش موجهة ومتخصصة ليهم ومش بتكلم على فيلم كله لانهم عايشين في المجتم، وزمان كان فيه تريقة على ذوي الهمم لكن دلوقتي بقى فيه توعية أكتر ضد التنمر.

شقيقة عزت أبو عوف توجه رسالة للشباب

ووجهت شقيقة عزت أبو عوف رسالة للشباب فقالت: فخورة جدا اني مصرية، ومش شايفة مكان اخر عايزة ألقى فيه ومؤمنة جدا بشبابنا واحنا في أشد احتياج ليهم وهو في أشد الاحتياج انه يرجع لهدوءه، الزمن ده صعب جدا واتسرق من الشباب الرضا وراحة البال بسبب اللي بيشوفوه من حروب.

ميرفت أبو عوف تكشف مفاجأة عن شقيقها

وكشفت الدكتورة ميرفت أبو عوف مفاجأة في حياة الفنان قبل رحيله عن عالمنا، فقالت: أخويا قبل ما يتوفى كان بيحضر لأغنية من كلماته وتوزيعه وألحانه وهو كان عبارة عن نشيد غنائي لـ مصر وكنا عملنا البروفات عليه وخلاص هننزله ولكن القدر لم يشاء وتوفى عزت أبو عوف وبعدها مريم أبو عوف.

وتابعت حديثها عن شقيقها الراحل: هو كان دايما هادي ومحترم اللي قدامه ومكنش بيتعصب أبدا كان بيعاملني زي بنته.