منى زكي: شغلتنا متعبة نفسيًا.. والعيلة هي اللي باقية

تحدثت الفنانة منى زكي عن تأثير نجاحها المهني على علاقتها بزوجها أحمد حلمي وأسرتها ككل، وذلك خلال لقاء لها ببرنامج كلام نواعم المذاع عبر شاشة تلفزيون إم بي سي 1.

تحيا مصر يرصد تفاصيل تصريحات منى زكي في كلام نواعم

منى زكي: شغلتنا متعبة نفسيًا وإحباطاتها وحشة

وقالت منى زكي: النجاح المهني اتسبب في ضغط في علاقتي بأحمد حلمي، مش كحاجة وحشة بس شغلتنا حاجة متعبة جدا بالذات نفسيا، إحباطاتها وحشة جدا، ونجاحاتها حلوة بزيادة، لدرجة أنك لو مش شخص عاقل مهما حصل من إغراءات هتتجنني، وهيجيلك تكبر.

وتابعت: لما بيجيلك اكتئاب بعد فشل حاجة مهم أوي الأخر يساندك، بس في نفس الوقت مهم أنك متأفوريش في الاكتئاب وتعرفي أن أهم حاجة هي العيلة وهي دي اللي باقية، أول ما اتجوزنا فكرة أن أحمد يقعد مع العيال دي حاجة غريبة، بس ابتديت افهمه لا دي بنتك هي اللي هتبقى متأثرة.

تصريحات منى زكي عن مسلسل تحت الوصاية

وسبق وأن تحدثت الفنانة منى زكي عن قانون الوصاية، وذلك بعد تحقيقها نجاحًا كبيرًا بمسلسل تحت الوصاية، والذي عرض في السباق الرمضاني المنقضي.

وقالت مني زكي خلال مداخلة هاتفية أجرتها في برنامج هي وبس التي تقدمه الإعلامية رضوى الشربيني ويعرض عبر قناة سي بي سي: احنا كلنا بنقابل سيدات عندهم حد أتوفى في حياتنا وبنشوف الحالات دي قدامي وشيرين وخالد لما عرضوا عليا الموضوع أنا كنت خايفة ومفيش اي حاجة مضمونة بس كنت بفكر في الشخصيات وبني أدمين وشافوا المأسة دي واتاثروا هما واطفالهم ازاي.

وأضافت منى زكى: مش بس فكرة أن المرأة غير مؤهلة تراعي ولادها اللي هي اكتر حد قريب منهم لكن المأساة الأكبر للطفل اللي افتقد اب وكان السند الوحيد ليه كل الرظوف اللي حواليه والقانوان انه مش أهل لده.

منى زكي: شكرًا للي أخد من وقته وكتب كلمة حلوة عن المسلسل

وفي وقت سابق، حرصت الفنانة منى زكي على تقديم الشكر إلى طاقم مسلسل تحت الوصاية، والذي عرض ضمن السباق الرمضاني المنقضي وحقق نجاحًا كبيرًا.

وكتبت منى زكي عبر حسابها بموقع تبادل الصور والفيديوهات انستجرام:مع انتهاء موسم رمضان حابه أوجه الشكر لجمهوري في مصر والوطن العربي كله على كل التشجيع والحب اللي وصلني منكم.. شكرا لكل شخص أخد من وقته وكتب كلمة حلوة عن مسلسل تحت الوصاية.