حنان يوسف: الفنانين الكبار مهدور حقهم ومبيتعملهمش شغل

أكدت الفنانة حنان يوسف على أن الدراما والسينما المصرية غير مهتمة بالنجوم الكبار مثلما يحدث في الخارج، وأنهم يعتمدوا بشكل كبير عن الفنانات الجميلات والفنان الجان.

تحيا مصر يرصد شكوى حنان يوسف من عدم الاهتمام بالنجوم الكبار.

شكوى حنان يوسف من عدم الاهتمام بالنجوم الكبار

وقالت حنان يوسف في تصريح خاص لموقع تحيا مصر: الممثلين الكبار مهدور حقهم لأنهم مبيتعملهمش أي شغل غير ما بنشوف في الأفلام برا بيبقوا مهتمين بيهم ونجوم وفي افلام بتتعمل عن مشاكلهم لكن هنا لازم يكونوا جانات وجميلات.

انفصال حنان يوسف عن زوجها

على الجانب الآخر، كانت أدلت حنان يوسف بعدة تصريحات تليفزيونية فقالت: سبب انفصالي مشاكل عادية متحملنهاش وكنا فاكرين إن الحب هيفضل موهوهج بسبب الروتين دخلنا في ملل وضيق فكان الأريح ليه وليا ولإبننا إننا ننفصل، وهو شخص طيب جدا وواقف مع أحمد وقفة رجالة، وممكن أنا أكون معملتش مجهود في العلاقة لأن خدت الموضوع على كرامتي فأخدت رد فعل غلط.

وتابعت عمري ما عليت صوتي على جوزي ولا زعقت.

وأضافت: مكنتش بمثل طالبة وبعيش وبشتغل وبتجوز، وابتديت تمثيل وأنا عندي 30 سنة، كنت بدور على شغل عادي في القاهرة ليا جماعة صحابي صمموا اني أمثل وودوني المسرح وبعدها الحاجات جرت بعضها.

تصريحات حنان يوسف 

واستطردت: ومن وأنا صغيرة وأنا بتقمص شخصيات كنا بنعمل الأدوار اللي احنا شايفنها، وكنا بنقلد مدرسين وبستخدم طريقة ماما وقعدتها، وكنت خايفة من دور سجن النسا، ومكنتش ضامنة ردود فعل الشارع لقتهم بيتصوروا معايا واتطمنت من ساعتها.

واختتمت حنان يوسف حديثها قائلة: مليش أصدقاء مقربين من الوسط الفني لأني بصور وأروح معدا ماجدة منير معايا من زمان من أيام المسرح وهنهاد أبو العنين.