خالد عليش: بزعل لما بسمع خبر طلاق حد.. الموضوع مؤذي لكل الأطراف

أعرب المذيع خالد عليش عن استيائه من زيادة نسبة الطلاق في الفترة الأخيرة، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات خالد عليش عبر فيسبوك

خالد عليش: بلاش تستسهلوا الانفصال

وكتب خالد عليش: أنا بزعل جدًا لما بعرف خبر عن اتنين بيحصل انفصال بينهم خصوصا لو عدى على علاقتهم سنين وعشرة وبينهم أطفال.. أنا مؤمن جدًا أن الانفصال حتمي في حالة المشاكل الكبيرة والوصول لحائط مسدود وأما تخلص كل الحلول المتاحة ويمكن ده اللي حصل معايا في تجربة زواجي الأولى أنا مكنتش عايز انفصل بس فجأة مفيش حل غير الانفصال.

وتابع: أنا طبعا معرفش رواية كل اتنين انفصلوا ولا ايه الاسباب ورا ده ويمكن يكونو جربو كل الحلول وفشلو.. بس اللي أنا شايفة أن النسبة بتزيد أوي بقى في استسهال واستغناء والحالات كترها بقى يخوف أوي احنا مبقناش باقيين على بعض ولا قادرين نستحمل بعض لا ست ولا راجل.. مش مرتاحة معاه هامشي.. مش مرتاح معاها هاجري.

واضاف: أنا بقيت كل ما أسمع خبر انفصال بزعل جدا ومش بتكلم بس على شخصيات عامة بص حواليك هتلاقي نماذج كتير.. لو سمحت يا جماعة نستحمل بعض.. نبقى باقيين على بعض.. مهمين في حياة بعض.. مقدرين بعض.. بلاش تستسهلو الانفصال الموضوع مؤذي جدا لكل الأطراف حتى لو مفيش أطفال ما بالك بقى لو في أطفال.

خالد عليش: ليه بنعتبر الأب حنفية فلوس فقط

وسبق وأن طالب المذيع خالد عليش بسرعة تطبيق قانون الأحوال الشخصية الجديد، حتى يتثنى للأب رؤية أطفاله بشكل أفضل، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب خالد عليش: مش قادر أفهم ايه سبب تأخير قانون الأحوال الشخصية الجديد.. المطلوب بسيط جدا.. الأب يقدر يشوف ابنه ويصطحبه ويبقى لوحدهم مش تحت رقابة الام في مكان لايليق.

وتابع: ايه الصعب في أن أب يشوف اطفاله يومين في الاسبوع ويعيش الطفل رعاية مشتركة بين الأب والأم المنفصلين، ليه بنعتبر الأب حنفية فلوس فقط أدفع وأنت ساكت وأخبرك تيجي ساعتين تلاتة في مركز شباب تشوف طفلك زي المسجون.