خاص| أحمد سلامة: بنصح سارة بنتي بالالتزام.. وبأن إحساسها يكون عالي

كشف الفنان أحمد سلامة عن النصائح التي دائمًا ما يوجهها لابنته الفنانة الشابة سارة سلامة، في مجال التمثيل، وفي الحياة العادية أيضًا.

تحيا مصر يرصد تفاصيل نصائح أحمد سلامة لابنته

وقال أحمد سلامة في تصريحات خاصة لموقع تحيا مصر: علمت سارة بنتي حاجات كتيرة جدا، ودايما بنصحها أنها متعملش دور مش حباه أو مش شايفة نفسها فيه، والصدق عند الممثل مهم، وأهم حاجة في الممثل عنيه لأن دي مرايته، ولو صدقتي الممثل هتحبيه، فهي لازم يبقى عندها صدق ولازم تحس، وإحساسها يبقى عالي، ولازم تبقى ملتزمة يعني معادها يظبطوا عليه الساعة، لأن أبوها كدا.

تعليق أحمد سلامة على ملابس ابنته سارة

من ناحية أخرى، كان قد كشف أحمد سلامة في تصريحات تليفزيوينة، حقيقة خلافه مع ابنته الفنانة سارة سلامة بسبب ملابسها، فقال: "محصلش خلاف خالص، ومفيش حد يعرف يسيطر على جيل السوشيال ميديا والعالم المفتوح، وفعلًا السوشيال ميديا بتربي معانا العالم، والسوشيال ميديا نقمة على العالم وخلى أفكار الناس منفتحة.

وتابع: سارة متربية في حي السيدة زينب، قولتلها متعملش كده تاني بس مش لدرجة الخلاف، قولتلها ده بره مش هنا لأن هنا مجتمع شرقي، مينفعش نتخطاه، هي وعدتني مش هتعمل كدا، أنا مش ديكتاتور أنا بناقش ومش هقول لأ هقول لأ ليه، وزي ما طلعت سارة في مسلسل ابن حلال، وهي لابسة شورت واتهاجمت أنا وهي وابن الحلال كان أول عمل ليها وكان في ستايلست وخلتها تلبس كده، وكان عمرها ساعتها 18 أو 19 سنة ولبسوها كدا، وهي متعرفش حاجة، ومؤخرًا بتهاجم بس عشان سارة، وبحاول أعمل كنترول عليها.

أحمد سلامة يطمئن الجمهور على حالته الصحية

وعلى صعيد آخر، حرص الفنان أحمد سلامة على طمأنة جمهوره عليا بعدما انتشرت صورة له في الساعات الماضية بوجه متورم، وذلك من خلال تسجيل صوتي له عبر برنامج “عرب وود”.

حيث قال أحمد سلامة في التسجيل الصوتي: “الحقيقة أني بشكر كل الناس اللي شافوا الصورة وحسوا بقلق أو خافوا عليا وعلى حالتي وأنا عامل التسجيل دا مخصوص عشان أطمنهم.. أنا كويس خالص.. ودي كانت عدوى تعبتني يومين في درسي وسمع في خدي وفي وشي”.