بسبب عدم حصولها على مستحقاتها المالية.. دوللي شاهين تغادر حفلها في الساحل

قررت الفنانة اللبنانية دوللي شاهين مغادرة حفلها الذي كان من المقرر إقامته اليوم الجمعة في نادي كورالا العلمين الجديدة؛ وذلك بسبب عدم دفع مستحقاتها المالية.

تحيا مصر يرصد سبب مغادرة دوللي شاهين حفلها في العلمين.

دوللي شاهين ضيفة برمامج بنشتري راجل

على الصعيد الآخر، كانت قالت دوللي شاهين خلال استضافتها في برنامج "بنشتري راجل"، الذي تقدمه الفنان هبة السيسي عبر قناة الشمس: طفولتي مكنتش لطيفة لإني مكنتش بحب طفولتي وفي سن كنت بتعامل زي الولد وعلاقتي بأهلي مكنتش عظيمة وعلاقتي بوالدي مكنتش حلوة وماما حبيبت قلبي وبحبها وست طيبة بتخاف على عيالها.

تصريحات دوللي شاهين 

وتابعت: بابا أثر فيا اكتر من ماما لأن شخصيته كانت قوية جدًا وبابا هو اللي ربى ماما وتأثيره على العيال والام واتجوزها وهي عندها 14 سنة وهو كان في التلاتينات وتأثيره علينا كان أقوى وكانت بتكبر زينا وتكتشف الدنيا وكانت مش مختلفة كتير عننا.

وأضافت: فرق العمر الكبير ده مش حلو وشايفة أن الست بتنضج أكتر من الراجل وبتستوعب أكبر، والتربية الشرقية أن البنت تتحمل مسئولية بدري وتشيل البيت والفرق لما يبقى كبير زي بابا وماما الفرق بينهم 20 سنة كبير جدًا ودي حاجة مش صح.

وكشفت دوللي شاهين: وأنا صغيرة مكانش عندي فكرة فتى الأحلام، بابا كان راجل شرقي بزيادة وعنده قيود كتيرة، وكان كل أحلامي أتحرر من القيود دي قبل ما أفكر مين فتى أحلامي.

علاقة دولي شاهين بوالدها

وأضافت: مثلا لو بنت عمي أو بنت خالتي لابسة لبس حلو هيقول الله على جمالها، إنما أنا مش مقبول أعمل كده، وأول جيبة لبستها في حياتي وكانت هدية وكان عمري 13 سنة قطعها علشان يقهرني ويضايقني.