حنان يوسف تشيد بـ أحمد فهمي: ممثل تقيل لدرجة أني كنت بخاف منه واحنا بنصور سفاح الجيزة

كشفت الفنانة حنان يوسف عن كواليس تعاونها مع النجم أحمد فهمي بمسلسل سفاح الجيزة، مشيدة بأدائه حيث أنه يقدم شخصية السفاح.

تحيا مصر يرصد كواليس تعاون حنان يوسف مع أحمد فهمي.

 كواليس تعاون حنان يوسف مع أحمد فهمي

وقالت حنان يوسف في تصريح خاص لموقع تحيا مصر: كنت بدربه زمان أول ما ابتدى هو ممثل كويس جدًا وتقيل جدًا وبيلاقي نفسه وكمان كاتب هايل ورغم أنه بيمثل كوميدي لكنه نجح في الدور الصعب دا لدرجة أني كنت بخاف منه فعلا واحنا بنصور اللي هو أنت مين يا ابني.

سبب انفصال حنان يوسف عن زوجها

على الصعيد الآخر، قالت حنان يوسف: سبب انفصالي مشاكل عادية متحملنهاش وكنا فاكرين إن الحب هيفضل موهوهج بسبب الروتين دخلنا في ملل وضيق فكان الأريح ليه وليا ولإبننا إننا ننفصل، وهو شخص طيب جدا وواقف مع أحمد وقفة رجالة، وممكن أنا أكون معملتش مجهود في العلاقة لأن خدت الموضوع على كرامتي فأخدت رد فعل غلط.

وأضافت: عمري ما عليت صوتي على جوزي ولا زعقت.

بدايات حنان يوسف الفنية

وتطرقت حنان يوسف بحديثها عن بدايتها في التمثيل، فقالت: مكنتش بمثل طالبة وبعيش وبشتغل وبتجوز، وابتديت تمثيل وأنا عندي 30 سنة، كنت بدور على شغل عادي في القاهرة ليا جماعة صحابي صمموا اني أمثل وودوني المسرح وبعدها الحاجات جرت بعضها.

وتابعت: ومن وأنا صغيرة وأنا بتقمص شخصيات كنا بنعمل الأدوار اللي احنا شايفنها، وكنا بنقلد مدرسين وبستخدم طريقة ماما وقعدتها، وكنت خايفة من دور سجن النسا، ومكنتش ضامنة ردود فعل الشارع لقتهم بيتصوروا معايا واتطمنت من ساعتها.

وأضافت: مليش أصدقاء مقربين من الوسط الفني لأني بصور وأروح معدا ماجدة منير معايا من زمان من أيام المسرح وهنهاد أبو العنين.