خاص| بعد شائعة وفاته.. عمرو محمد علي يطمئن الجمهور على حالته الصحية: أنا بخير وبتحسن

انتشرت في الساعات القليلة الماضية أنباء عن وفاة الفنان عمرو محمد علي، صاحب شخصية “شفيق” في مسلسل أرابيسك، وذلك بعد اختفائه لفترة دون الكشف عن تفاصيل حالته الصحية، حيث يعاني من مرض نادر في العظام

تحيا مصر يرصد في ذلك التقرير أول تعليق من عمرو محمد علي بعد شائعة وفاته

تصريحات عمرو محمد علي عن حالته الصحية

وتواصل موقع تحيا مصر مع عمرو محمد علي للإطمئنان على حالته الصحية، فقال في تصريح خاص لـ موقع تحيا مصر: الحمدلله أنا بخير وحالتي بتتحسن جدا والدكاترة بيطمنوني وماشي في العلاج بسرعة ومعرفش حاجة عن الأخبار المنتشر عن وفاتي دي ولا مين اللي نزلها.

وكان قد تحدث عمرو محمد علي عن مرضه خلال لقائه بـ موقع تحيا مصر، فقال:  أنا عندي مرض من عند الله اسمه إم إس، واتواصل معايا الدكتور أشرف زكي، وبعت وفد من النقابة، كان على رأسهم أحمد سلامة ومصطفى حجي، وأنا كنت في مستشفى ولسه خارج منها امبارح تبع وزارة الصحة، ومرضي مش مرض ضمور، هو مرض مناعي وبقاله سنين طويلة والحمد لله قدرت أتغلب عليه شوية، والأيام اللي فاتت أشرف زكي كان بيطمن عليا وبيسأل عليا.

أزمة عمرو محمد علي وابنته

ويذكر، أنه نشبت أزمة بين عمرو محمد علي وابنته بعد تصريحاته الأخيرة عنها هي ووالدتها، والذي قال فيها: أنا طلقت أم بنتي علشان مظلمها ويمكن ده هروب وأنا كنت بحبها أوي ومرضيتش أتعبها معايا كان هيبقى صعب عليا، أنا  متكفل بمصروف بنتي لحد دلوقتي وللأسف بتيجى تاخد مصروفها  وتمشي ومش بتزورني، وأنا قولت لبنتي أنتِ جاحدة وداين تدان.

ابنة عمرو محمد علي تفتح النار عليه

وخرجت ابنة عمرو محمد علي لتفتح النار عليه، فقالت: بقالي كتير ساكتة وقلت لمامتي ما نتكلمش في حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي، مش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي.