فيفي عبده: الرقص الشرقي ليه قيمته والناس المتعلمين بيحبوا ياخدو دروس مني

أعرب الراقصة فيفي عبده عن غضبها من الساخرين من الرقص الشرقي، وذلك خلال إحدة لقائتها التليفزيونية مشيرة إلى أن الرقص الشرقي له قيمته.

تحيا مصر يرصد في ذلك التقرير تصريحات فيفي عبده عن الرقص الشرقي

فيفي عبده تتحدث عن الرقص الشرقي

وقالت فيفي عبده: الرقص الشرقي ليه قيمته والأجانب وناس كبار ومتعلمين بيجوا ياخدوا دروس مني ومن نجوى فؤاد في الرقص، أنا بتضايق أوي أما حد يقول يعني هتشتغلي رقاصة؟ اي مالها الرقاصة يعني؟

أزمة فيفي عبده الصحية

يذكر أن فيفي عبده تعرضت لازمة صحية، كشفت عنها عبر حسابها الرسمي بموقع تبادل الصور والفيديوهات انستجرام، حيث قالت:  قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة، أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام، ولأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا.

فيفي عبده وسر اختفائها

وتابعت حديثها، كاشفة عن سر اختفائها رغم شفائها: اختفيت من فترة لأني كنت تعبانة وعملت عملية في العمود الفقري ودي كانت أول عملية أعملها في حياتي، وبعدها تخنت جدا ووصلت لـ 95 كيلو، متخيلين فيفي عبده بالوزن دا؟ واتكسفت أطلع لجمهوري بالمنظر دا إلا لما أخس، وأوحش حاجة على العمود الفقري هو التخن وأنا قفلت بوقي ومش هأكل إلا فاكهة ولما كنت تخينة كنت هضرب نفسي بالنار، وكنت هرقع بالصوت وياريت يعملوا تصريح ليا أضرب نفسي بالرصاص لأن لازم أعرف أنا بأكل كتير ليه؟.