برنسة عبد الغني تستغيث: بناخد حسالة الفنانين وبقيت عايشة على الشحاتة

خرجت برنس عبد الغني والتي أدت عددة أدوار كومبارس في عدد من الأعمال الفنية أبرزها فيلمها مع الفنانة عبلة كامل والذي أتى بعنوان “خالتي فرنسا”، لتستغيث بالدولة ونقابة المهن التمثيلية، معلنة عن لجوئها إلى الشحاتة من عدد من النجوم.

تحيا مصر يرصد في ذلك التقرير أبرز تصريحات برنسة عبد الغني

تصريحات برنسة عبد الغني

وكشفت برنسة عبد الغني خلال لقاءها بموقع تحيا مصر العديد من الأشياء الصادمة وتحدثت عن معاناتها في الفترة الأخيرة ووحدتها بعد وفاة والدتها، وكان من أبرز هذه التصريرحات:

• أنا عملت أعمال كتير فجر الاسلام وسجن النسا وخالتي فرنسا وملوك الجدعنة واشتغلت في أفلام كتير. 
• بيعت كليتي عشان أعمل عملية لأمي ومبخدش معاش طول عمري .
• أنا بشحت من الفنانين فلوس وهما مبيشغلونيش. 
• بدفع إيجار 500 جنيه وعلاج 1000 جنيه غير مصاريفي الشخصية والدنيا غالية .
• محتاجة تكافل وكرامة أوا حياة كريمة يشوفوا حالتي أو يعملولي معاش.
• كلمت أشرف زكي قالي انتي مش خريجة معهد قولتله أنا خريجة خبرة وشغالة في الوسط من زمان.
• أنا مش معايا أولاد وشايلة الرحم وحياتي عايشة بالشحاتة.
• أنا مش باخد حاجة من الفن بناخد الحسالة بتاعتهم الرادة اللي بتنزل من العيش بناخد ملاليم ومفيش مرة خدت 3000 جنيه على بعض.
• محدش بيساعدني إلا أما أتصل بمدير أعمال حد ووفاء عامر أما اتصل بيها بتبعتلي 500 جنيه.
• كنت بشتغل وبصرف على أمي وشيلاها على الأرض شيل.. اللي من غير أم حاله تغم ولو طولت أبيع عنيا عشانها هبيعها دي كانت صحبتي وبنتي وأختي وكل حاجة.
• أنا أستاهل ضرب الجزمة إني معملتش حساب يوم زي جه وبقعد مع نفسي وأعيط ومخدتي شاهدة عليا.
• بلجأ لربنا وبقرأ قرأن وبصلي ربنا غفور ورحيم وبيحب عبده وأحسن من البني أدمين.

برنسة عبد الغني وقصة حياتها

وكانت قد حلت برنسة عبد الغني ضيفة على برنامج المنسي مع الإعلامية إنجي هشام ويعرض عبر قناة هي، وكشفت بعض الأسرار عن حياتها وقالت: كنت عايزة  قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.

ورد عمرو محمود ياسين عليها، قائلا: استاذه برنسه تحياتي ليكي أولًا.. ثانياً   حضرتك كنتي قابلتيني و احنا بنصور مسلسل و نحب تاني  ليه  على ما أتذكر ولاقيتك من تلقاء نفسك جايبالي ملخص  وقولتلي  اقراه  عشان عايزة إني اعمله مسلسل،  وقتها كنا لسه بنصور  و ما قدرتش اقراه وقتها وقريته بعد  كده لما  اتصلتي  بيا فكرتيني به  بعد فترة طويلة، وقتها أنا قريته  وللأسف  مالقتش  فكرة مناسبة   له.