بسمة وهبة لــ أحمد سعد بعد انفصاله عن زوجته: نجوميتك زادت بفضلها

حرصت الإعلامية بسمة وهبة، على توجيه رسالة للفنان أحمد سعد بعدما أعلنت علياء البسيوني انفصالهما بناءً على رغبته الشخصية، وذلك خلال برنامج 90 دقيقة، على قناة المحور.

تحيا مصر يرصد رسالة بسمة وهبة للفنان أحمد سعد.

رسالة بسمة وهبة للفنان أحمد سعد

وقالت وهبة: أنت معروف منذ زمن، ولكن لا تنكر أن نجوميتك زادت واختلفت بفضل الله عز وجل وزوجتك علياء حيث نظمت لك حياتك ماديا ونظمت حياتك الشخصية.

تعليق بسمة وهبة على انفصال أحمد سعد وعلياء بسيوني 

وتابعت : زوجتك اهتمت بشياكتك وأناقتك في الملبس، والناس كلها أصبحت تتحدث عن شياكتك وستايل لبسك لأن ذوقك بقى أعلى.

وأضافت: علياء بنت أصيلة وتدعمك دائما ووشها حلو عليك، وكل جمهورك عارف كده وأنت قلت ده معنا في الاستديو، فصلتك عن مشكلاتك، ولا تنسوا الفضل بينكم يا أحمد".

تصريحات بسمة وهبة 

على الصعيد الآخر قالت بسمة وهبة خلال لقائها في برنامج إي تي بالعربي: اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي.

وتابعت: من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب.

وأضافت: محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده.

واستطردت: اللي بيقول أنا بتدخل في الحياة الشخصية، المفروض الضيف اللي يقول كده، وأي ضيف بيقولي أحذفي الحتة دي بوافق واتحدى أي ضيف يقول إني محذقفتش جزء هو قالي عليه ، لأن أنا كلمتي بتبقى عقد.

وأردفت: اكتر حلقة  اتشال منها حاجات كانت حلقة رانيا يوسف لإنها صريحة جدًا وعلا غانم طلبت حاجات كتير تتشال.