إيمي طلعت زكريا: بابا كان بيعتز بشنبه وأما حلقهوله تعب نفسيا

كشفت الفنانة ايمي طلعت زكريا عن  تفاصيل خاصة بوالدها الراحل طلعت زكريا وعلاقتها به، وذلك خلال استضافتها في برنامج فيس أوف المذاع على شاشة قناة هي.

تحيا مصر يرصد في ذلك التقرير تصريحات إيمي طلعت زكريا عن والدها

وقالت إيمي طلعت زكريا خلال البرنامج: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا. 

إيمي طلعت زكريا: بابا كان بيعتز بشنبه وتعب نفسيا أما قصة

وروت ايمي طلعت زكريا، ، عن اعتزاز والدها وتعلقه لشنبه وحقيقة اعتذاره عن أدوار بسببه قائلة: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

وتابعت: "ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني".

إيمي طلعت زكريا: أبويا اتكرم مرة واحدة بس بعد وفاة ومعرفش هما بيحسبوا التكريمات دي ازاي

وتطرقت إيمي طلعت زكريا بالحديث عن رأيها في ظاهرة تكريم الفنانين بعد وفاتها، فقالت: "للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه".

خلاف طلعت زكريا مع السبكي

وعن خلاف والدها مع السبكي، قالت:  "محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة، ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم".