سارة نخلة عن إحياء راقصة حفل تكريم طلاب الثانوية العامة: هما أحرار وكانوا عايزين يوجبوا مع الشباب

علقت سارة نخلة على فيديو الراقصة بحفل تكريم طلاب الثانوية العامة بمحافظة القليوبية، المنتشر على السوشيال ميديا من خلال برنامجها "فيس أوف" والذي يعرض على شاشة قناة هي.

تحيا مصر يرصد في ذلك التقرير تعليق سارة نخلة على إحياء راقصة حفل تكريم طلاب الثانوية العامة

سارة نخلة عن احياء راقصة حفل تكريم طلاب الثانوية العامة: كانت محتشمة

وقالت سارة نخلة خلال البرنامج: فاكرين فرقة رضا كانوا بيلبسوا الحاجات الشعبية المحتشمة لية بعد انتشار الفيديو الراقصة انقسم الناس بين مؤيدين ومعارض، وزارة التربية والتعليم والشباب والرياضة ملهمش علاقة بالحفل ونفت علاقتهم بيها وقالوا: الحفلة دي حتي مش موجودة في مبني مركز الشباب  ودى حفلة أقامها أحد أهالي القرية تكريما للطلاب في ملعب خارجي ملهمش اي علاقة بالوزارة.

وأضافت: الراقصة محتشمة، طول عمرنا بنروح أفراح واماكن كتير اوي في راقصة استعراضية ممكن هنا عايزين يفرحوا وحد يوجب معاهم مفيش مشكلة لكن الغلط أننا ننسب دة لوزراه التربية والتعليم أو الشباب والرياضة.

سارة نخلة: ليكم حق تعترضوا لكن متتهموش الوزارة في اللي حصل

وكشفت سارة عن رأيها بوجود الراقصة بالحفل قائلة: أنا كسارة شايفاه أنه لكل مقام مقال أنا مش شايفاها مناسبة والشكل العام مكنش لطيف طيب يا جماعة استنوا لما تتجوزا تتخطبوا أنا مش شايفاها حاجة لطيفة بس بردة الهجوم مكنش لطيف الهجوم كان بشكل لاذع جدا المكان ملهوش علاقة بالوزارة هو حد أجر المكان عايز يوجب مع الشباب.

واستكملت: الموضوع بسيط حضرتك معترض على راقصة ليك الحق بس لا تتهم اي وزارة من الوزارت، ناس عايزة تفرح وفي الأخر هما أحرار كان مهم أننا نعلق لأن الوزاره ملهاش اي علاقة باللي حصل.

سارة نخلة وجدل حلاقة أسما شريف منير لشعرها

وكانت قد تحدثت سارة نخلة في وقت سابق على جدل حلاقة أسما شريف منير لشعرها، فقالت: "اللي ظهر في فيديو حلاقة الشعر ان اسما تعاني من قلق واضطراب ومفيش توازن، ولما قريت عنها هي كانت ايه لقيت انها كانت ماكييرة وبعدها اتجوزت واتطلقت وبعدها اتجوزت من ممثل شاب واتطلقت تاني ودا شئ يحترم لانها بتحاول، ومستغربة من رد شريف منير على بنته هو مفيش بينهم واتساب؟ او مبيتقابلوش مثلا، ليه الدعم النفسي على السوشيال ميديا، واحنا لازم نبقى متفقين ان اسما فعلا تعاني من نقص في الدعم النفسي ودي شغلانة الدكتور النفسي ودا مش عيب".