خاص| مؤلف سفاح الجيزة: هدفنا نرصد المعاناة اللي تعرض ليها الضحايا وأسرهم مش إننا نعلق على قصة القذافي

كشف السيناريست محمد صلاح العزب هدفه من رصد قصة وجرائم سفاح الجيزة في عمل درامي من بطولة الفنان أحمد فهمي، وذلك بعد نجاحه على منصة شاهد الإلكترونية، موضحًا أن الفكرة بعيدة تمام عن التعليق على قصة حياة سفاح الجيزة الحقيقي والشهير بـ “القذافي”.

تحيا مصر يرصد في ذلك التقرير تصريحات محمد صلاح العزب عن سفاح الجيزة 

محمد صلاح العزب وسفاح الجيزة

وقال محمد صلاح العزب في تصريح خاص لـ موقع تحيا مصر: الهدف الأكتر من الموضوع محاولة انصاف الضحايا وأسر الضحايا وإنهم اتعاملوا مع الوضع والجرائم دي ازاي، وناول ننصفهم لأن كان فيه بعض الاتهامات الأخلاقية واتهامات بالسذاجة والكلام ده، وإحنا بعاد تماما عن التعليق على قصة سفاح الجيزة الحقيقي.

محمد صلاح العزب يكشف المغزى من مسلسل سفاح الجيزة

وكان قد كتب محمد صلاح العزب عن مسلسل سفاح الجيزة: عشان نبقى متفقين على حاجة أنا مبحبش الرسايل في المسلسلات والأفلام بس أنا كاتب لكم مسلسل سفاح الجيزة مخصوص عشان الناس تبطل تقول إن اللي بيشرب شاي بلبن يبقى طيب.. واللي بيشغل قرآن ده متدين ونآمن له.. والشاطر لا بينفسن ولا بياكل حق حد.. واللي بيبوس إيد أمه يبقى عريس لقطة.. واللي بيحب الحيوانات مستحيل يظلم البني آدمين.،وباكيدج الطيبة المصرية الفطرية الجميل ده يخف شوية.

إبراهيم فايق عن سفاح الجيزة: كانت بيتعامل معانا بمنتهي الأدب والود

وسبق وكشف إبراهيم فايق تفاصيل صادمة في قصة حياة سفاح الجيزة الحقيقي، وذلك بعد عرض أولى حلقات المسلسل الذي يخوض بطولته الفنان أحمد فهمي، حيث كتب عبر حسابه الرسمي بموقع التديونات القصيرة “تويتر”: سفاح الجيزة كان بيشتغل زمان في سوبر ماركت قصاد بيتي في شارع مستشفى الهرم تحت اسم قذافي وقعد سنين طويلة عايش معانا.. والغريب ان مكانش بيفوت فرض وبيتعامل معانا بمنتهى الأدب والود.. لما شوفت الصور ووقائع التحقيقات فضلت مصدوم فترة لأن مكنتش متخيل البني ادم ده يطلع منه كده.. كان كبيره يقطع جبنة رومي.. حتة لانشون انما قتل البشر بالشكل ده شيء كان كابوس بالنسبة لي.. شوف كام واحد قريب منك لابس القناع وبتكتشف عنه كوارث ؟