طردني عارية ورمالي الاسدال و50 جنيه.. هناء تطلب الخلع والسبب صادم

طردني بالاسدال وتحته هدوم البيت.. بهذه الكلمات سردت هناء قصتها مع زوجها، بعد فترة زواج استمرت لمدة 8 سنوات، وعلاقة إرتباط وخطوبة قبلها 4 سنوات، إلا أنها في النهاية فوجئت بطرد زوجها لها من شقة الزوجية في وقت متأخر من الليل، مما جعلها ترفع قضية خلع عليه في محكمة الأسرة بالكيت كات.

تحيا مصر

مسلسل سفاح الجيزة بين الحقيقة والخيال.. شقيقة قذافي تكشف مفاجآت|تفاصيل

مسلسل سفاح الجيزة.. القصة الحقيقية لـ القذافي أخطر قاتل متسلسل

وجع قلب في سمنود.. صباحية عروسين في الجنة والسبب مفاجأة

السيرة الذاتية لـ المستشار محمد شوقي النائب العام الجديد

هناء تطلب الخلع من زوجها

وقالت هناء في قصتها مع زوجها «أنا سني 34 سنة، ومعنديش أطفال من جوزي، وانا عندي 22 سنة تعرفت على جوزي عبدالرحمن، وده لما كنت شغالة في هايبر كبير، وهو كان بيشتغل كاشير في نفس الماركت ده، ومع الوقت نشب بيني وبينه كلام في أوقات الراحة، إبتسامة الصبح وأنا داخلة المحل، وبعدها بـ حوالي كام شهر بدأنا نروح مع بعض في الطريق، وبدأت بيني وبينه علاقة إعجاب وحب، وبعد سنة اعترف لي أنه بيحبني وأنه عايز يتجوزني، وبعدها اتفقنا انه يجي البيت يكلم أهلي».

زوجة تطب الخلع: رماني بره الشقة عريانة

وتابعت هناء «في الوقت ده حصل مشكلة في الشغل وعبدالرحمن أضطر يسيبه ويمشي، و أجلنا أنه يجي البيت لأهلي شوية، وبعد 4 شهور جاله شغل جديد في شركة، وفضلنا مستنين كام شهر لحد ما الأمور تستقر، بعدها أتقدم لأهلي ووافقوا عليه، واتخطبت له، ومكنش في بيني وبينه أي مشاكل إلا المشاكل العادية بتاعت خرجتي امتي ورجعتي أمتي ولابسة أيه، وبعد سنتين خطوبة اتجوزت عبدالرحمن في شقة في الهرم».

هناء: رمالي الاسدال و50 جنيه الساعة 12 بالليل

وأضافت هناء «بعد الجواز عبدالرحمن ما اتغيرش كتير، وكانت الحياة طبيعية جدا مفيهاش حاجة غريبة لأني كنت أعرفه قبلها بـ 4 سنين اللي هما الشغل والخطوبة، فكنا تقريبا زي اللي يعرفوا بعض من الطفولة إحنا الإتنين كتاب قدام بعض، وعدت السنين في الجواز ربنا مرزقناش بـ طفل، وبعد سنتين جواز عبدالرحمن سافر بعد ما جاله عقد عمل بره، وده يمكن اللي خلاه بعيد شوية عن البيت، ومرت السنين في بيتنا وأنا بشوفه شهر في السنة ويرجع تاني لـ شغله بره».

وأكملت هناء قائلة «بعد 7 سنين ونص جواز حصلت مشاكل بيني وبينه، لأنه نزل من بره وهو معاه هدوم خاصة وقالي أنه اشتراها ليا بس الهدوم كان باين أن حد واخد مقاس بيها، وسألته قالي متبقيش مخك كدة هي بس من كتر ما بتتقاس شكلها كدة، وكنت مستغربة جدا وفضلنا متخانقين كام يوم، وسافر عبدالرحمن تاني، لكن بعد حوالي كام شهر رجع أجازة، وقالي أنه نازل يخلص ورق مهم، وساعتها فتحت الشنطه بتاعته لقيت حاجات خاصة وأدوية اللي فهمته أنها بتاعت العلاقات، وسألته إيه ده قالي دي حاجات صاحبي طالبها من بره، قولتله دي حاجات مستخدمة إزاي يعني».

واختتمت هناء قائلة «قولت له ده زي الهدوم اللي كنت بتجيبها وتقولي عادي صح، وعايزني أصدقك، وحصلت بيني وبينه خناقة كبيرة، وقلت له روح شوف اللي أنت ماشي وراهم بره خليهم يأكلوك ويخلو بالهم منك، وساعة الخناقة طردني بره الشقة بهدوم البيت الخاصة، ورمالي الإسدال و50 جنيه في الأرض، وكان في واحدة من الجيران واقفة هي متعرفنيش بس لولا أنها محترمة كانت افتكرتني واحدة مش محترمة جاية له بالطريقة اللي رمى بيها الفلوس، وأخدتني عندها وتاني يوم رحت بيت أهلي وكلمته مردش وعرفت أنه سافر روحت رفعت عليه قضية خلع».