محمد غنيم عن محمد رمضان: مش هنسى جدعنته لما بعتلي مساعدة وقت وفاة والدتي

كشف الفنان محمد غنيم، عن سعادته بالتمثيل مع الفنان محمد رمضان في  كلا من المسلسلين  الأسطورة و  جعفر العمدة  وذلك خلال حواره مع الإعلامية نورهان عبدالفتاح في برنامجها زووم ونص، و المذاع عبر شاشة قناة هي.

تحيا مصر يرصد رأي محمد غنيم في محمد رمضان. 

محمد غنيم يشيد بالفنان محمد رمضان 

وقال غنيم: محمد رمضان بيحب شغله و بيحب يسمع وجهات نظر المخرج جدا و يتناقش معاه فيها و إنسان راقي في تعامله مع زملاء العمل

وأضاف : مش هنسي جدعنة محمد رمضان معايا لما عرف خبر وفاة والدتي و كان أول المتصلين بيا و بعتلي مساعدة زي ما ولاد البلد بيعملوا وقت أي شدة  مع إن قولت ليه أنا مش محتاجها.

هذا وقال محمد غنيم: الفن في الطب زي المشرط بيفتح بطن المجتمع ليخرج منه كثير من القضايا الاجتماعيى  التي تحتاج للمناقشة  . 

تصريحات محمد غنيم 

وتابع: أنا شوفت في الفن عيوبه و خدتها و مزايا و خدتها و في الطب ، ولو مكنتش قبلت بمزايا و عيوب أي حاجة كانت كل حاجة هتخرب.

وأضاف : لو شبهنا الناس اللي  شايفين الفن رسالة و اللي شايفينه تسلية ب زي كدة   المنحازين للراجل و المنحازين للست، رضوى الشربيني عمالة تشتم في الرجالة و ياسمين عز تقول عمالة تقول كله إلا الفرعون الصغير ولا دي صح ولا دي صح لأن كل حاجة ليها سلبياتها و ليها عيوبها مفيش ست ملاك ولا راجل ملاك.

برنامج زوم ونص

ويذاع برنامج زووم و نص يومي الأحد و الأثنين على شاشة قناة هي،و تقدمه الإعلامية نورهان عبدالفتاح، و يسلط الضوء على مجموعة من القضايا التي تهم الشباب ،و يستضيف عدد من الوسط الفني و المشاهير