ميار الببلاوي تكشف حقيقة اعتزالها الفن

نفت الفنانة والإعلامية ميار الببلاوي الأنباء المتداولة حول اعتزالها الفن، مؤكدة أنها تحب مهنتها ولا تعتبرها حرام.

تحيا مصر يرصد حقيقة اعتزال ميار الببلاوي الفن.

ميار الببلاوي تنفي شائعة اعتزالها الفن

وقالت ميار الببلاوي في تصريح خاص لموقع تحيا مصر: أنا بحب شغلي جدًا كممثلة ولا عمري قولت أنه حرام ولا أني اعتزلت ومبحبش اللي بيقولوا عني الفنانة المعتزلة، لكن الحجاب بيأيد الشغل والاختيارات قليلة.

ميار الببلاوي تكشف عن دور تتمنى تقديمه

وأضافت: أنا بعدت لدرجة أني معرفش مين المخرجين الجداد.. فمحتاجة اعمل دور زي صفصف يرجعني بقوة.

على الصعيد الآخر، كانت كتبت ميار الببلاوي عبر حسابها الرسمي بموقع التواصل الاجتماعي فيسبوك عن أزمة وفاء مكي: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

أزمة ميار الببلاوي ووفاء مكي

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.