منى فاروق في أول ظهور لها بعد غياب: كنت بمر بأزمة نفسية صعبة ومش هعتزل الفن

خرجت الفنانة منى فاروق في أول ظهور لها بعد غياب دام طويلا على الساحة الفنية، مشيرة إلى أنها كانت تمر بأزمة نفسية صعبة وكانت تحتاج فترة نقاء وراحة وبمساعدة الجمهور وأهلها استطاعت تخطي تلك الأزمة.

تحيا مصر يرصد في ذلك التقرير تصريحات منى فاروق بعد عودتها للساحة من جديد

منى فاروق: معتزلتش الفن لكن كنت معتزلة السوشيل ميديا

ونشرت منى فاروق فيديو عبر حسابها الرسمي بموقع تبادل الصور والفيديوهات انستجرام، قالت فيه: أسفة اني غبت عليكم الفترة دي بس كنت محتاجة فترة ليا عشان أقدر أرجع لنفسي تاني، كنت بمر بظروف نفسية معينة وحبكم ودعمكم رجعني تاني وشكرا لكل انسان كتب كلمة حلوة عليا وبشكر أهلي وأمي واخواتي ودكتور أشرف زكي اللي دعمني.

وأكدت: انا معتزلتش الفن ومكنتش اقصد ده كنت أقصد السوشيال ميديا.

منى فاروق للجمهور: شكرا على دعمكم وحبكم نعمة من ربنا

وعلقت منى فاروق على الفيديو، فقالت: شكرًا علي الحب والدعم اللي فرح قلبي وعرفني ان حبكم نعمة من ربنا ، شكرًا لكل حد منكم بعتلي مسدچ أو حاول يوصلني ويعبران عن حب جميل ويحسسني اني ماتعبتش علي الفاضي شكرًا لكل اللي قالوا في حقي كلمة حلوة… إن شاء الله هترجع أكون معاكم وربنا يكتب الخير ليا ولكل الناس  شكرًا من قلبي.

ويذكر، أنه أعلنت منى فاروق اعتزالها السوشيال ميديا مؤخرا، حيث كتبت عبر حسابها الرسمي بموقع انستجرام: هقفل السوشيال ميديا لفترة، أي حد بيحبني يدعيلي اعدي الفترة دي على خير لأني مدمرة نفسيًا.

منى فاروق وموقفها من اعتزال الفن

وكانت قد كشفت منى فاروق موقفها من اعتزال الفن، فقالت: الفن ده مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية،  أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي.