أول رد من المهن التمثيلية على عتاب فريدة سيف النصر لهم بسبب عدم تكريمها في القاهرة للدراما

رد الفنان أشرف زكي نقيب المهن التمثيلية على رسالة عتاب الفنانة القديرة فريدة سيف النصر التي وجهتها للنقابة بسبب عدم تكريمها ضمن المكرمين في مهرجان القاهرة للدراما بدورته الثانية في مدينة العلمين.

تحيا مصر يرصد رد أشرف زكي على فريدة سيف النصر.

رد أشرف زكي على فريدة سيف النصر

وقال أشرف زكي في تصريح خاص لموقع تحيا مصر: حقها طبعًا أنها تتكرم وهي فنانة كبيرة.. احنا عندنا فنانين كبار عظام لازم يتكرموا مش هي لوحدها.

فريدة سيف النصر تشكو عدم تكريمها

وكانت كتبت فريدة سيف النصر عبر حسابها الرسمي بموقع التواصل الاجتماعي فيسبوك: نفسي نقابتي تكرعني.. وهما عارفين كل حاجة وشاطرين موت وبقوا مهمين.. والله العظيم من قلبي هذه نقرة وتلك نقرة.. مليار مبروك للي بيتكرموا في مهرجاننا اللي بعترف بيه فقط واللي نقيبنا حبيبي أخرج لي مسرح وزميل عمر وحبيبي هو وزوجته بجد.. ويأكد بنفسه الحضور للمهرجان كتير.. وقلت له المرة الأولى هو أنا مش معاكم ولا إيه بقى كل الناس دي وأنا مش وسطهم نهار إسوح ده أنا مرات أبو حد ومعرفش.

رسالة فريدة سيف النصر للمهن التمثيلية 

وتابعت: بس الحقيقة أنا مش معاهم أنا مع نفسي وعارفة إني محسوبة عليه ولا بيكرم ماجدة ولا روجينا ولا فريدة طيب ادعوا لي والنبي أبقى ممثلة ليا علامات والنبي وابقى شاطرة وليا جمهور وقبول وأفلام كبيرة ومسلسلات عن حق. ومسرح مش أي أي نفسي..عرفتم مجيتش ليه بحس.. قلب الأم.. يا رب نفسي يكرعوني ولو مرة معاهم.. نفسي اتكرع.

وأضافت: مع العلم إني باعتذر قسما بالله لمعظم المهرجانات التي بلا سبب ومش فنانين علشان يكرموا فنانين.. بس الظاهر طلعوا بيفهموا..أما بتوعنا ندعيلهم ربنا يقويلهم البصر والبصيرة والقلب يا ولاد القلب مهم جدا والإنسان في حياته وبعد مماته سيرة.. طيب استلفوا ريبورت لميس الحديدي ولا إيمان الحصري ولا إسعاد يونس.. ولا عمرو الليثي.. كنتم هتعرفوا يعني شوية هبل من اللي بعمله مع كتاب ومخرجين وأبطال على قدهم ملقيتهمش برضه.. لو يفهموا يعني إيه تكريم كانوا جابوا من أول الحكاية لازم فن وإبداع واستقامة وسمعة وتواضع.

واختتمت فريدة سيف النصر حديثها قائلة: ما هو مش معقول نتناسى أشياء ونبروز أشياء.. هعمللكم فيلم الماضي لا يموت.. وأنا مقررة أقول اللي بحسه في وش الجدع مقولتش التخين علشان أنا بلوظة.. هيه.. دنيا فونيا والزمن كباس.. يوه عن إذنكم أصل صينية الكوسة ريحتها طلعت إن شاء الله ألحقها ما أنا طباخة شاطرة.. وممثلة فاشلة.. حقيقي والله أنا مبعرفش أمثل لو محسيتش مبشتغلش لازم تلبسني وأهو أديهم بيلبسوني بعد مسمعتش من زميل إني متكرعة هههههه سحبوها.. عادي حصلت مع جريدة الفجر حبايب قلبي المحترمين.. بصوا يا أهل الله.. الساكت عن الحق شيطان أخرس.. والنبي غيروا الماء الراكد بيعفن.