كريم فهمي يستنكر عدم تكريم ريهام عبد الغفور بمهرجان القاهرة للدراما: دي عملت سيزون ولا محمد صلاح

استنكر الفنان كريم فهمي عدم تكريم النجمة ريهام عبد الغفور في مهرجان القاهرة للدراما بدورته الثانية في مدينة العلمين، مشيد بأعمالها الأخيرة.

تحيا مصر يرصد تعليق كريم فهمي على عدم تكريم ريهام عبد الغفور.

تعليق كريم فهمي على عدم تكريم ريهام عبد الغفور

وكتب فهمي عبر حسابه الرسمي بموقع التواصل الاجتماعي فيسبوك: هي ريهام عبد الغفور فين من الجوايز أو التكريم.. دي عملت سيزون ولا محمد صلاح.

وقال كريم فهمي خلال لقائه في برنامج أنا والقناع والتي تقدمه الإعلامية منى عبد الوهاب ويعرض عبر قناة الحياة: مراتي استحملتني من ساعة ما اتقدمتلها لغاية دلوقتي وبتستحمل ضغط شغلي واستحملت أن عيني زايغة.

تصريحات كريم فهمي 

وتابع كريم: ومفيش راجل عينه مش زايغة، وهي قدرت تتحكم في حياتي ومفيش قرار باخده غير لما اقولها وبقيت أطمن لما ادخلها في تفاصيل حياتي،  والسوشيال ميديا  بتظهر أننا عايشين حياة ملائكية بس احنا بيحصل بينا مشاكل كتير جدا.

كريم فهمي يكشف عن نقطة ضعفه

وكشف كريم فهمي عن نقطة ضعفه موضحًا أنه بناته هما نقطة ضعفه وقال: طول الوقت بقول إني لا أتحمل عليهم أي شيء، وأوقات بيدفعوني كمصدر قوة إني لازم أشتغل وأجتهد عشان آخد فلوس وأقدر أصرف عليهم.

وأضاف: دايما بتعامل مع بناتي بقناع الدلع، ومش عايز أحسسهم بأي مشاكل حتى لو فيه مشاكل بين أي أب وأم مش لازم أحسسهم بحاجة زي أي بيت، وأهم حاجة إنهم غيروا في حياتي كتير.

وتابع: دانيا مراتي بتدلعهم لكن أوقات بتكون ناشفة معاهم لمصلحتهم بشكل ما في أوقات كتير، ومينفعش إحنا الاتنين نعمل دا، واديتهم اطمئنان اتحرمت منه.

واستكمل: أنا مش مثالي لكن الفلوس بالنسبة لي وسيلة، وبحب أبسط اللي حواليا، ومش بعرف يكون فيه فلوس في جيبي، وأهمية الفلوس في إنك تبسط اللي حواليك.