بعد تعرضها للهجوم.. أسما شريف منير عن حلاقة شعرها: كان قرار لحظي وانفعالي ومعملتش كدة عشان التريند

حرصت الفنانة أسما شريف منير على توضيح للجمهور سبب حلق شعرها وذلك بعدما تعرضت للهجوم من قبل البعض، مشيرين إلى أن فعلها ناتج عن رغبتها في ركوب التريند.

تحيا مصر يرصد في ذلك التقرير أول تعليق من أسما شريف منير

أسما شريف منير ترد على منتقديها

وكتبت اسما شريف منير عبر حسابها الرسمي بموقع تبادل الصور والفيديوهات انستجرام: طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة.

أسما شريف منير: مش عايزة ابقى تريند والموضوع جه صدفة

وتابعت: اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة.

واستكملت حديثها:  علي فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير.

أسما شريف منير: ده شعري مش شعركم وعجبني شكلي جدا

واختتمت: اخر حاجة الجماعة اللي مكبرين الموضوع (ده شعري مش شعرك)حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً) بحبكم اوي بجد.

يذكر، أنه ظهرت اسما شريف منير حليقة الشعر تمامًا في مهرجان القاهرة للدراما، أما عن إطلالتها فأردت فستان بيج قطعتين وكان يحمل جرئة كبيرة، حيث ظهر بها أجزاء كبيرة من جسدها، فكان الفستان مفتوح حتى الفخذ وظاهر جزء من بطنها.

وتداول عدد كبير من الجمهور صور اسما شريف منير في مهرجان القاهرة للدراما بدورته الثانية، وبدأو في إبداء رأيهم بها، حيث وصفها البعض بأنها فنانة يمكن أن تفعل أي شيء من أجل ركوب التريند.