اللي شجعنا على الجزء التاني من جعفر العمدة أنه لمس الجمهور.. أبرز تصريحات محمد رمضان

كشف الفنان المصري محمد رمضان سبب حضوره مهرجان القاهرة للدراما بدورته الثانية في العلمين، متحدثًا عن مسلسله جعفر العمدة.

تحيا مصر يرصد تصريحات محمد رمضان في مهرجان القاهرة للدراما. 

سبب حضور محمد رمضان مهرجان القاهرة للدراما 

وقال محمد رمضان: العلمين سبب وجودي النهارده، وكل الجوائز اللي خدتها اعتذرت عن استلامها، وعايز أجي اتبسط بالعلمين، ومبسوط بالمدينة أكتر من المهرجان، ومش مصدق الكلام ده أتعمل أمتى، وفخور بوجود هذه المدينة على أرض مصرية.

تعليق محمد رمضان على نجاح مسلسل جعفر العمدة 

وتابع: والله أكيد لو مسلسل جعفر العمدة مكنش نجح مش هنفكر في جزء ثاني، وكان في دماغنا، واللي شجعنا نجاح المشروع، وإن هو لمس الجمهور بشكل كبير، وحقق نجاح على المستوى العربي، نجاح مبسوط بيه جدًا، والسر في النجاح ما توفيقي إلا بالله، بنجهتد ونخلص في الشغل، ونخاطب عقول الناس، وهما يصدقونا.

وأضاف: أنا قولت أكتر من مرة إني بتابع الجمهور زي ما بيتابعني، وبحاول أشوف اللي عاجبهم وإيه اللي مش عاجبهم، والحفاظ عليهم شيء مش سهل، وكل سنة الجمهور بيختلف وفكره بيختلف، وطول الوقت بنتطور معاه، وأكيد طبعًا من أول يوم وأنا حاسس بالمسئولية، ولمست إن ربنا إداني نجاح يؤثر في الناس، وربنا يقدرني على تحمل هذه المسؤولية.

أبطال مسلسل جعفر العمدة 

مسلسل جعفر العمدة من بطولة محمد رمضان، هالة صدقي، زينة، مي كساب، منة فضالي، أحمد داش، أحمد عبد الله، منذر ريحانة، طارق النهري، عصام السقا، دعاء حكم، سلوى عثمان، مجدي بدر، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، والمسلسل من تأليف وإخراج محمد سامي.

ودرات قصة مسلسل جعفر العمدة حول جعفر المتزوج من 4 سيدات لكل منهما مكانة خاصة في قلبة، اختطف ابنه في المستشفى أثناء ولادته ليظل يبحث عن ما يقرب من 19 عام بينما هو أمامه منذ سنوات طويلة، وحقق العمل نجاحات كبيرة بسبب المفاجأت التي كشفها.