تمثال بـ 3 مليون دولار.. إعترافات متهم بقضية الآثار: زوجة صديقي جت من برا عشانه
ADVERTISEMENT
أحال المحامي العام الأول لنيابات القاهرة الجديدة، 4 متهمين - رجلي أعمال وطبيب وسيدة أجنبية الجنسية - إلى محكمة الجنايات لإتهامهم بتشكيل عصابة لتهريب الآثار المصرية إلى الخارج، وإخفاء قطع آثرية وعملات بغرض عرضها على تجار.
إحالة 4 متهمين للجنايات في قضية تهريب الآثار
وأتهمت النيابة العامة في القاهرة الجديدة، قيام المتهم الأول في غضون عام 2022 بدائرة قسم التجمع بتشكيل عصابة وإدارتها بغرض تهريب الآثار المصرية إلى خارج البلاد، وانضمام المتهمين الثاني والثالث والرابعة بالانضمام إلى العصابة بغرض تهريب الآثار، وإخفاء الآثار المملوكة للدولة المصرية بقصد تهريبها، وتزييف الآثار بقصد الإحتيال على آخرين.
وقال المتهم الأول في قضية الآثار المصرية أمام نيابة القاهرة الجديدة، أنه في غضون عام 2017 تعرف على المتهم الثالث، والذي بدوره أخطره بأنه يعمل في بيع التماثيل والتحف الفنية، وعرض عليه تمثال وأجبه وقام بشرائه منه وعقب ذلك قام بعرض تمثال ثاني عليه وقام بشرائه، ثم أحضر له تمثال هدية، ثم تمثالين قام بشرائهم منه.
إعترافات المتهم الأول في قضية تهريب الآثار
وتابع المتهم في إعترافاته أمام نيابة القاهرة الجديدة، أنه هاوي لشراء وتجميع التحف الفنية، وأنه يمتلك مكتبا في منطقة النزهة الجديدة وقام بوضع التحف فيه، وأن له صديق متزوج من سيدة أجنبية، وبينه وبينها علاقة صداقة وكان يتحدث معها حول معرض جاليري تمتلكه في رومانيا، كما أنه يعلم أنها تبيع التحف في بوخاريست.
وأضاف المتهم في قضية الآثار، كلمتها وقالتلي أن هي عايزة تشتري شوية تحف من عندي وتسوقهالي وروحت بعت لها صورة التمثال المكسور وقالتلي التمثال ده بحوالي مليون ونص دولار وساعتها قولتلها زودي شوية لقيتها بتقولي 3 مليون دولار قولتلها بطلي عبط قالتلي أنا كدة كدة جاية مصر وهشوفك وفعلا جت مصر وقالتلي أنا هروح أقابل شخص كنت ورتلوا صورة التمثال اللي انت بعتهولي وقالتلي محدش هيجي معايا.
متهم في قضية الاثار: زوجة صديقي طلبت شراء تمثال
وأكمل المتهم في إعترافاته خلال تحقيقات نيابة القاهرة الجديدة في قضية الآثار، بعدين قالتلي الف مبروك الراجل خلص معايا وقالي أن هو هيديني الفلوس وأنا قولتلها بطلي عبط راحت هي زعلت، وقالتلي انتوا كدة بتبوظوا الشغل وأنا قولتلها شغل ايه وبعد كدة لقيتها تاني يوم قالتلي الراجل قابلني وقالي الديل اتلغى، وقالتلي أنا فهمت الناس بتشتغلنا وخلاص وبعد كدة هي سافرت ورجعت بلدها.
وأستكمل المتهم، وبعدها بفترة وأنا قاعد في الفيلا عندي لقيت المباحث مسكتني ومكنتش فاهم في أيه، وبعدها سألوني قالولي انت عندك تماثيل وأنا مكنتش مستوعب هما عايزين ايه، وقولتلهم انتوا عايزين ايه قالولي عايزين الحاجة اللي عندك وأنا قولتلهم حاجة ايه، قالولي التماثيل قولتلهم انا معنديش حاجة هنا وانا معايا تماثيل تحف انا بقتنيها في المخزن في النزهة الجديدة وطلعنا على المخزن وأخدوا التماثيل وبعدها خدوني وطلعنا على مباحث الآثار.
جوجل نيوز
تطبيق نبض
