خاص| أحمد خالد زوج ندى الكامل: العمر بالنسبالي مجرد رقم وطالما بحب حد هبص لسنه ليه؟

كشف الفنان أحمد خالد، زوج ندى الكامل عن رأيه في فروق العمر الكبيرة بين الزوج والزوجة، خاصة إذا كانت الزوجة هي الأكبر سنا من الرجل، مشيرا إلى أنه يعتبر العمر مجرد رقم ليس إلا.

تحيا مصر يرصد في ذلك التقرير تصريحات أحمد خالد عن زواجه من ندى الكامل وفروق السن بين الزوج والزوجة

تصريحات أحمد خالد عن زواجه من ندى الكامل 

وقال أحمد خالد في تصريح خالص لـ موقع تحيا مصر: السن ده مجرد رقم والشخص أما ترتاح معاه وتحس إنه هو ده اللي شبهك ومناسب معاك، عمرك ما هتبص هو عنده كام سنة، في ناس كتير في العالم فرق السن بينهم كبير جدا وحياتهم ناجحة وهادية ومتفاهمين، فالعمر مش بيشكل أزمة طالما الشخصين بينهم تفاهم.

وتطرق بحديثه عن قصة معرفته بـ ندى الكامل، فقال: أنا وندى أهلنا من دمياط وكنا جيران فبنشوف بعض من زمان، ولكن مكناش قريبين ولا فيه بينا كلام، وبعضها حصل حوار وكلام ما بينا والموضوع اتطور وبقى حب وانتهى الحب ده بالجواز.

ندى الكامل وسر انجذابها لـ أحمد خالد

وكانت كشفت ندى الكامل سر انجذابها لزوجها، فقالت: كل حاجة فيه والله جميلة وحنيته واحترامه لنفسه وحبه لعيلته وليا مخليني هادية ومرتاحة ومتطمنة، كفاية انه بيضحكني ودمه خفيف، ربنا لما بيبعت النصيب والستر والجواز والحب مبنقولش قولنا ومقولناش... نصيبي وأحلى نصيب وهو مش أصغر مني بـ 10 سنين والفرق بينا سنتين، واتجوزته من شهر.

أعمال أحمد خالد الفنية

جدير بالذكر، أنه شارك أحمد خالد في عدد من الأعمال الفنية أبرزها مستر إكس ومسلسل مشوار الونش، والذي خاض بطولته إلى جانب كل من النجوم محمد رجب، منة فضالي، ميريهان حسين، علاء مرسي، ميمي جمال، محمد رجب، ، محمود عبد المغنى، دانا حلبى، محسن منصور، إيهاب فهمى، محمد أبو داود، ، حنان سليمان، عبير منير، ريهام نبيل، أحمد إمام، الطفلة ريم عبد القادر.

ودارت قصة المسلسل حول رجل أعمال ذو شخصية جدية في التعامل مع أمور حياته المهنة والشخصية، يتقابل مع ابنة الحي الشعبي ميرهان حسين، وتجعله يرى أن الحياة أبسط وأهدى مما كان يتخيل، وتبدأ حياة في الإنقلاب رأسا على عقب.