خالد الفايد: أبويا رافع عليا قضية وبيمارس ضدي كل طرق الإرهاب النفسي

كشف الفنان الشاب خالد الفايد عن تفاصيل علاقته بوالده في الفترة الحالية، مشيرًا إلى أن والده مقيم عليه دعوى قضائية يطالبه فيها بالنفقة، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات خالد الفايد عبر فيسبوك

وكتب خالد الفايد: أبويا رافع عليا قضية عايزني أصرف عليه بعد ما صرفش عليا كل السنين اللي فاتت.. يرضي مين دا ؟، مارس عليا كل طرق الإرهاب النفسي وعذبني وضربني وأنا صغير ومصرفش عليا وجاي يرفع عليا قضية نفقة وعايزني اصرف عليه، منك لله.

خالد الفايد: هعتزل السوشيال ميديا مؤقتًا.. ومن هنا ورايح كلامي هيكون من غير شتايم

وسبق وأن أعلن الفنان الشاب خالد الفايد اعتزاله مواقع التواصل الاجتماعي لفترة مؤقتة، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب خالد الفايد: أولا وبدون مقدمات أنا هعتزل السوشيال ميديا فترة مؤقتة لحد ما أكون مؤهل أن أنا أتعامل مع الناس بطبيعتي مرة تانيهطى ولكل حد أنا شتمته أو نزلت بوست عليه وتعديت حدودي كشاب لسه بيبدأ وبيقول بسم الله في المجال.

وتابع: من هنا ورايح كلامي من غير شتايم ولا تقليل من أي شخص.. هلتزم في الچيم واتمرن كويس.. هبدأ اتعلم من أخطائي اللي فاتت وهحاول مكررهاش.. دا أخر بوست ليا الفترة دي.. ومش هبدأ أنزل بوستات إلا لما الاقي نتيجة من كلامي دا وأحس أن بدأت أبقى شخصية إيجابية ومؤثرة بفني الكويس.. وشكرا لكل اللي دعموني ووقفوا جمبي بجد بحبكم.

تصريحات خالد الفايد عن هاني محروس

وعلى صعيد آخر، أقر المطرب المعتزل خالد الفايد بأنه أخطأ في حق المنتج هاني محروس، بسبب انصاته للبعض والسماح لهم بالإيقاع بينهما.

وكتب الفايد عبر حسابه الرسمي بموقع التواصل الاجتماعي فيسبوك: أكبر غلطه عملتها ف حياتي أني سمعت كلام الناس كنت مخلص من قلبي ..لكن شفت منهم عكس كدا وربنا يكفيكم شر اللعب ف الودن والكلام الفارغ.

وتابع: ربنا يبعد عنكم اي حد بيستغلكم ويضحك عليكم باسم الدين، ربنا يبعد عنكم اي حد عامل فيها مولانا وهو عطاط صدقوني في حاجات مش هقدر اشرحها ليكم ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم.. اوعي تسلم ودنك لحد وتخليه يبخ فيها سموم، دا درس اتعلمته حبيت اوضحه علشان محدش يقع في نفس غلطتي.