مصطفى قمر عن حفل كاسيت 90 في السعودية: منتهى الرقي والإبداع

علق الفنان مصطفى قمر على مشاركته في حفلة كاسيت 90، التي أُقيمت منذ أيام قليلة في المملكة العربية السعودية وحقق نجاح واسع.

تحيا مصر يرصد تعليق مصطفى قمر على مشاركته في حفلة كاسيت 90.

تعليق مصطفى قمر على مشاركته في حفلة كاسيت 90

ونشر مصطفى قمر عدة صور من الحفل عبر حسابه الرسمي بموقع تبادل الصور والفيديوهات انستجرام، وعلق قائلًا: حفلة في منتهى الرقي والإبداع، شكرًا لكل المنظمين والعاملين، وشكرًا لجمهور السعودية الحبيب والرائع، والشكر الكبير لرائد وراعي الفن الراقي أينما كان معالي المستشار تركي آل شيخ.

مصطفى قمر ضيف برنامج أنغام

من جانبه، قال مصطفى قمر خلال استضافته في برنامج أنغام: كنت ساكن في مكان شعبي في المنشية في اسكندرية  وكنت ساكن في بيت عيلة وكانت احاسيس حلوة متتكرش وذكريات كتير.

وتابع: وانا في 4 ابتدائي كان عندي مُدرسة اسمها أم كلثوم قالت مين يحب يعزف على آلة المندولين رفعت ايدي وانا كنت بتكسف بس بدأت اتعلم مندوبين وبابا جابهولي من واحد بتاع روبابكيا، وبعدها اتعلمت جيتار.

تصريحات مصطفى قمر 

واستطرد: بابا قالي على اغنية فيها كلمتين خارجين وأنا صغير كنت بحفظ الكلام  وقالولي في الحضانه قول نشيد وانا افتكرت الاغنية اللي بابا قالها وقولتها في الحضانه وساعتها جابوني وقالولي مين حفظك النشيد ده وجابوا بابا وحصل مشكلة.

وأضاف: أنا عملت نفس الموقف ده مع إياد أبني ومرة كنا في المنتزة في اسكندرية وبنتفرج على قصر الملك فاروق وأنا قولتله ده قصر جدك وراح قال لكل صحابه أن جده الملك فاروق.

واستكمل: أنا عندي 4 أخوات وأخويا الصغير علمته جيتار وغنى وعمل ألبوم بس الموضوع ممشيش معاه وسافر أمريكا وحاليًا هو دكتور علاج طبيبعي بس بطلعه معايا على المسرح يغني في حفلاتي في اسكندرية.

وأضاف: كنت كل يوم في ثانوي ببص في السقف واتخيل اني عبد الحليم حافظ  واعمل أفلام وأغني وكنت بستنى اروح انام عشان اعيش الحلم الجميل ده لغاية ما روحت الجامعة وبدأت مشواري الغنائي.

وأوضح: جبت في ثانوية عامة 76% وكان نفسي أدخل كلية هندسة ومجموعي كان جايب هندسة الزقازيق وابويا صمم أني أدخل كلية تجارة وانا من اول  يوم مش حابب الكلية ودخلت كلية التجارة بالجيتار مش بكشكول المحاضرات من أول يوم  وفي اسكندرية كانت لقطة غريبة أن حد يمشي في الشارع في اسكندرية بالجيتار ويدخل الجامعه بالجيتار.