بعد ظهوره بقميص مفتوح في حفله بجدة.. الموسيقيين: احنا منقدرش نحاسب محمد رمضان ونقابة الممثلين المسؤولة عن معاقبته

علق الدكتور محمد عبدالله، المتحدث الرسمي باسم نقابة المهن الموسيقية على بعض تساؤلات الجمهور فيما يخص مطرب المهرجانات الشعبية كزبرة، والجدل الذي أثارة محمد الحلو بتغير كلمات أغنية عمار يا اسكندرية إلى عمار يا سعودية.

تحيا مصر يرصد في ذلك التقرير تصريحات محمد عبد الله عن بعض التساؤلات التي تخص الجمهور

أخر تطورات أزمة كزبرة مع نقابة المهن الموسيقية

تحدث محمد عبدالله خلال لقائه بـ موقع تحيا مصر عن أزمة مطرب المهرجانات كزبرة مع الدكتور أحمد زويل، فقال: مطرب المهرجانات اعتذر وقال مش هكرر الفعل ده تاني وتم حذف صورة أحمد زويل من الفيديو.

وعن أمكانية خضوع العمل الفني لاشراف نقابة الموسيقيين قبل طرحه، وأوضح محمد عبدالله: أي عمل فني المطرب بيعمله بيتفاجيء بيه بإن الشركة المنتجة أخدوه ونزلوه فبالتالي العمل الفني بعد التصوير النقابة مش بيكون ليها تأثير عليه، لكن الجزء اللي يخص النقابة هي العنصر اللي قبل التسجيل وهو المؤدي والمطرب واللي بيسجل أغنيته بناءا على تعليمات معين مع مرعاة أخلاقيات المهنة.

الموسيقين عن أزمة ملابس محمد رمضان في حفلاته: نقابة الممثلين المسؤولة عن معاقبته

وعن أزمة ملابس محمد رمضان في حفلاته مع الجمهور قال محمد عبد الله: الموضوع معروض على النقابة ولم تقدم اي شكاوى ضده، ومحمد رمضان بيجي نقابة المهن الموسيقية للحصول على تصريح بالغناء فقط، ومحمد رمضان خاضع لنقابة المهن التمثيلية والموسيقية وميجوزش ان الموسيقيين تحقق معاه واللي يحاسبه النقابة بتاعته، احنا ممكن نوقف التصريح لكن منحققش معاه.

وعن جدل محمد الحلو في السعودية، قال محمد عبد الله: محمد فؤاد حصل نفس الموضوع ده معاه والنقابة بتحاسب اللي بيسيء ويذم لكن مش اللي بيقول مدح او شكر، ومحمد الحلو قامة من القامات الكبيرة عندنا في مصر.

محمد عبدالله ومصطفى كامل

يذكر، أنه سبق وأشاد محمد عبدالله بـ مصطفى كامل فقال: احنا مع الراجل  المبدع القوي الحساس الواضح الراجل اللي بسببه بيغني له مطربين كان هو اللي ليه الفضل بعد ربنا انهم يبقوا نجوم الصف الاول في التسعينيات ويغنوا في المملكه في عام ٢٠٢٣ .. ولو عملنا حفلات كتير مش هتخلص اجمل كلماتك.