مهرجان قرطاج الدولي يكرم محمد حماقي في دورته ال 57

كرمت إدارة مهرجان قرطاج الدولي في دورته الـ 57 الفنان محمد حماقي، بعد إحيائه حفل ختام الدورة 57 مساء أمس السبت الموافق 19 أغسطس.

تحيا مصر يرصد تكريم محمد حماقي.

تكريم محمد حماقي

ونشرت الصفحة الرسمية لإدارة مهرجان قرطاج صورًا من تكريم مدير المهرجان كمال الفرجاني، وعلقت: السيد كمال الفرجاني مدير مهرجان قرطاج الدولي يكرم الفنان المصري محمد حماقي إثر حفل اختتام الدورة 57 لمهرجان قرطاج الدولي مساء السبت 19 أوت 2023 على ركح المسرح الأثري بقرطاج.

تفاصيل وفاة والد محمد حماقي 

من جانبه، كان كشف محمد حماقي تفاصيل وفاة والده: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا.

وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه.

واستطرد: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي.

واستكمل: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية.

تصريحات محمد حماقي

واختتم الفنان محمد حماقي حديثه قائلًا: وخلاص ولما جيت اصور الاغنية حبيت انقل الاغنية واعملها بالمقلوب وده الشعور اللي بيجي لكل الناس اللي فقدت والدها او والدتها، وحالة الأغنية دي كانت حقيقية مش مصنوعة.